کراچی، لاہور، اسلام آباد سے پی آئی اے کی 24 پروازیں منسوخ

کراچی، لاہور، اسلام آباد سمیت ملک کے مختلف ائیر پورٹس پر انتظامی مسائل کی وجہ سے قومی ائیرلائن پی آئی اے کی 24 پروازیں منسوخ کر دی گئیں جبکہ بڑی تعداد میں پروازوں کا شیڈول بری طرح متاثر ہوا ہے۔

اس ضمن میں قومی ائیر لائن کے ترجمان سے کوشش کے باوجود رابطہ نہیں ہو سکا اور نہ ہی ان کی جانب سے بھیجے گئے سوالات کے جوابات دیے گئے۔

ذرائع کے مطابق پی آئی اے کے انتظامی مسائل کی وجہ سے آج اندرون ملک کی 16 پروازیں منسوخ کی گئی ہیں۔

ائیر پورٹ شیڈول کے مطابق کراچی سے رحیم یار خان کے لیے پی آئی اے کی 2 پروازیں پی کے 582 اور پی کے 583، سکھر روٹ کی پرواز پی کے 536 اور پی کے 537، کراچی سے پشاور کے لیے پی کے 350 اور پی کے 351، کراچی سے ملتان کے لیے پی کے 330 اور پی کے 331 منسوخ کی گئی ہیں۔

منسوخ ہونے والی پروازوں میں اسلام آباد سے گلگت کی 2 پروازیں پی کے 601 اور 602، اسلام آباد سے کوئٹہ کے لیے پی کے 725 اور پی کے 726، اسلام آباد سے سکھر کے لیے پی کے 631 اور پی کے 632، اسلام آباد سے گلگت کے لیے پی کے 605 اور 606 بھی شامل ہیں۔

ذرائع کے مطابق اس کے علاوہ نجی ائیر لائنز کی منسوخ ہونے والی پروازوں میں دمام سے آنے والی پرواز پی ایف 743، لاہور سے کراچی کے لیے پی ایف 144، کراچی سے اسلام آباد کے لیے پی ایف 121، لاہور کے لیے پی ایف 143 بھی منسوخ ہے۔

اسلام آباد تا جدہ نجی ائیر لائن کی پروازیں پی ایف 718 اور پی ایف 719، اسلام آباد سے کراچی کے لیے پی ایف 122 اور پی ایف 126 بھی منسوخ کر دی گئیں۔

ذرائع کا کہنا ہے کہ کراچی میں گزشتہ نصف شب کو تیز آندھی، مٹی کے طوفان اور بجلی کی بندش کی وجہ سے پروازوں کی آمد اور روانگی متاثر ہوئی ہے۔

کراچی سے دبئی کی پرواز پی اے 207 ایک گھنٹہ، جدہ کے لیے پی ایف 714 لگ بھگ 46 منٹ، جدہ کے لیے پرواز پی اے 170 تین گھنٹے، جدہ کے لیے سعودی ائیر کی پرواز ایس وی 705 ایک گھنٹہ، شارجہ کے لیے ائیر عربیہ کی پرواز جی 9549 پونے 2 گھنٹے، امارات کی دبئی کے لیے ای کے 607 ایک گھنٹہ 9 منٹ، لاہور سے جدہ کے لیے نجی ائیر لائن کی پرواز میں 6 گھنٹے، لاہور سے شارجہ کے لیے پی کے 186 کی روانگی میں ایک گھنٹہ، استنبول کے لیے ٹی کے 709 پونے 2 گھنٹے جب کہ دوحہ، دبئی، لاہور، جدہ اور کولمبو کی پروازوں بھی تاخیر کا شکار ہوئی ہیں۔

ذرائع کے مطابق جدہ سے کراچی کے لیے پی کے 732 کی روانگی میں ڈھائی گھنٹے جبکہ کراچی سے اسلام آباد کے لیے ای آر 502 کی روانگی میں ایک گھنٹے کی تاخیر متوقع ہے۔

ذرائع کے مطابق پرواز ای ار 821 نئے شیڈول کے مطابق شام 5 بج کر 10 منٹ پر جدہ روانہ ہو گی۔

سیالکوٹ سے ریاض کے لیے پی کے 755 اور دمام کی پی کے 243 کی روانگی میں ایک گھنٹہ تاخیر ہوئی ہے۔

کویت سٹی سے سیالکوٹ کے لیے پی کے 240 کی روانگی میں 4 گھنٹے تاخیر ہوئی جبکہ جدہ سے سیالکوٹ کی پرواز پی کے 746 کی روانگی میں ڈیڑھ گھنٹے کی تاخیر ہوئی۔

اس کے علاوہ اسلام آباد سے دبئی، کوالالمپور، جدہ، دوحہ، ریاض، مدینہ ابوظہبی، استنبول کی پروازوں کی روانگی بھی تاخیر کا شکار ہوئیں۔

لاہور سے شارجہ کی پرواز پی کے 185 کی روانگی میں پونے 2 گھنٹے، استنبول کے لیے ٹی کے 715 کی روانگی میں ڈیڑھ گھنٹے کی تاخیر ہوئی۔