15 نومبر ، 2023 
کھیل
لیگ مرحلے میں بھارتی ٹیم نے کیویز کو چار وکٹ سے شکست دی تھی__فوٹو: فائل
ورلڈکپ: اب تک کی ناقابل شکست ٹیم بھارت اور نیوزی لینڈ میں سیمی فائنل کا دنگل آج ہوگا
15 نومبر ، 2023
آئی سی سی ون ڈے ورلڈکپ کا پہلا سیمی فائنل آج بھارت اور نیوزی لینڈ کے درمیان ممبئی میں کھیلا جائے گا۔
لیگ مرحلے میں بھارتی ٹیم نے کیویز کو چار وکٹ سے شکست دی تھی، آج ممبئی کے وانکھیڈے اسٹیڈیم میں ایک مرتبہ پھر دونوں ٹیمیں ایک دوسرے سے ٹکرائیں گی۔
آسٹریلیا اور جنوبی افریقا کے درمیان دوسرا سیمی فائنل جمعرات کو یعنی کل کھیلا جائے گا، یہ میچ کولکتہ کے ایڈن گارڈنز میں ہوگا جہاں میچ طوفان کی نذر ہونے کا خدشہ ہے۔
بارش کے باعث میچ ریزرو ڈے میں بھی ممکن نہیں ہوسکا تو جنوبی افریقا پہلی بار فائنل کے لیے کوالیفائی کر جائے گا ۔
