16 نومبر ، 2023 
اقوام متحدہ کے امدادی سربراہ کا اسرائیل پر غزہ کی کریم شالوم کراسنگ کھولنے پر زور
16 نومبر ، 2023
اقوام متحدہ کے امدادی سربراہ نے اسرائیل پر غزہ میں کریم شالوم کراسنگ کھولنے پر زور دیا ہے۔
غیر ملکی میڈیا کے مطابق اقوام متحدہ کے امدادی سربراہ مارٹن گریفتھس نے اسرائیل پر زور دیا ہے کہ انسانی امداد پہنچانے کیلئے مختص کیے گئے 10 پوائنٹ میں سے ایک کریم شالوم کراسنگ کو کھول کر امداد کو غزہ میں جانے کی اجازت دی جائے۔
انہوں نے کہا کہ اسرائیل اور حماس کے درمیان جنگ ہونے سے پہلے 60 فیصد ٹرک سامان لے کر غزہ میں اسی کراسنگ سے جاتے تھے۔
انہوں نے مزید کہا کہ مصر کے بارڈر سے رفاح راہداری کے ذریعے امداد صرف پیدل ہی جاسکتی ہے کیونکہ اسے پیدل چلنے والوں کیلئے ہی بنایا گیا ہے اسی وجہ سے ٹرک کے جانے کی گنجائش نہیں ہے۔
اقوام متحدہ کے امدادی سربراہ نے مزید زور دیتے ہوئے کہا ہے کہ ہمیں نقل مکانی کرنے والوں کیلئے مزید محفوظ مقام بنانے چاہئیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
