دو ریاستی حل کی تجویز دینے والوں کے پاس فلسطینی عوام کا مینڈیٹ نہیں: سراج الحق

امیر جماعت اسلامی سراج الحق نےکہا ہےکہ غزہ کے حوالے سے  اسلامی سربراہی کانفرنس میں صرف قرار دادوں  پر  اکتفا  کیا گیا، دو  ریاستی حل کی  تجویز دینے والوں کے پاس فلسطینی عوام کا مینڈیٹ نہیں۔

ایک بیان میں سراج الحق کا کہنا تھا کہ  مسلم حکمران  غزہ  میں بچوں کے قتل عام پر خاموش ہیں، اسرائیل کی وجہ سے غزہ قبرستان بن چکا ہے، چاہتے ہیں قاتلوں اور ظالموں کو  اس دنیا میں سزا ملے۔

اس سے قبل اسلام آباد میں فیصل مسجد کے سامنے غزہ کے بچوں سے اظہار  یکجہتی کے لیے بچوں کے غزہ مارچ سے خطاب کرتے ہوئے سراج الحق کا کہنا تھا کہ عارضی جنگ بندی حماس کی اعصابی فتح اور اسرائیل کی شکست ہے۔

امیر جماعت اسلامی  کا کہنا تھا کہ فلسطین کاز کے لیے جدوجہد جاری رکھیں گے، غزہ کے حوالے سے مسلم حکمران بزدلی کا مظاہرہ کر رہے ہیں، اسرائیل کو دہشت گرد ملک قرار دیا جائے۔

غزہ میں اسرائیلی فوج کے 24 گھنٹوں میں 300 سے زائد حملے

7 اکتوبر سے اب تک اسرائیلی حملوں میں شہید فلسطینیوں کی تعداد 14 ہزار 500 سے تجاوز کرگئی ہے

غزہ میں عارضی جنگ بندی کا آغاز کل صبح سے ہوگا، قطر کا اعلان

عارضی جنگ بندی کے بعد غزہ کے وقت کے مطابق 4 بجے سہ پہر 13 اسرائیلی یرغمالیوں کے پہلے گروپ کو رہا کیا جائے گا۔