17 جنوری ، 2013 
کنٹرول لائن کشیدگی:پاکستان کی بھارت کو وزرائے خارجہ مذاکرات کی پیشکش
17 جنوری ، 2013
اسلام آباد…پاکستان نے لائن آف کنٹرول پر کشیدگی میں کمی کیلئے بھارت کو وزرائے خارجہ کی سطح پر مذاکرات کی پیشکش کی ہے۔ یہ پیشکش وزیر خارجہ حنا ربانی کھر نے نیویارک میں کونسل آن فارن ریلیشنز سے خطاب کے دوران کی۔ انہوں نے کہا کہ لائن آف کنٹرول پر پچھلے دس روز میں فائرنگ کے واقعات نے سوالات پیدا کردیئے ہیں، تاہم پاکستان بات چیت کیلئے تیار ہے۔ مذاکرات وزرائے خارجہ کی سطح پر ہونے چاہئیں تاکہ متنازع امور حل ہوسکیں اور دونوں ممالک خود سے فائر بندی کا احترام کرنے کا دوبارہ عہد کریں۔ پاک امریکا تعلقات پر حناربانی کھر نے کہا کہ دونوں ممالک کے درمیان خاموش سفارت کاری جاری ہے،افغانستان سے امریکا کا انخلا مثبت ہے لیکن امریکا کو مستحکم افغانستان چھوڑ کر جانا ہوگا۔ وزیر خارجہ کا کہنا تھا کہ امریکا 10برس میں افغانستان کی صورت حال ٹھیک کرنے میں ناکام رہا ہے اور تنہا پاکستان سے صورت حال ٹھیک کرنے کا مطالبہ درست نہیں۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
