03 دسمبر ، 2023 
پاکستان
تحریک انصاف دربدر اور اس کے رہنما بِلوں میں گُھسے ہوئے ہیں: سربراہ جمعیت علماء اسلام__فوٹو: فائل
'15 سال پہلے یہودیوں کے ایجنٹ کو پہچان لیا تھا، آج وہ جیل میں مکافاتِ عمل کا شکار ہے'
03 دسمبر ، 2023
جمعیت علما اسلام کے سربراہ مولانا فضل الرحمان کا کہنا ہے کہ 15 سال پہلے یہودی لابی کے ایجنٹ کو پہچان لیا تھا۔
بہاولپور میں طوفانِ الاقصیٰ کانفرنس سے خطاب کرتے ہوئے مولانا فضل الرحمان نے کہا کہ یہودیوں کے ایجنٹ کے چہرے سے نقاب اتار کر پھینکا جس پر فخر ہے، ہم نے اس فتنے کو شکست دی ، آج وہ جیل میں مکافاتِ عمل کا شکار ہے۔
مولانا فضل الرحمان نے کہا آج اس کی جماعت میں اتنی بھی طاقت نہیں کہ اپنی پارٹی کے الیکشن کرا سکے۔
خطاب کے دوران مولانا فضل الرحمان کا کہنا تھا کہ تحریک انصاف دربدر اور اس کے رہنما بِلوں میں گُھسے ہوئے ہیں، پہلے ہی کہہ دیا تھا کہ یہ کوئی سیاسی جماعت نہیں بلکہ بنائی ہوئی پارٹی ہے ۔
