ایشیائی ترقیاتی بینک نے پاکستان کیلئے قرض کی منظوری دیدی

ایشیائی ترقیاتی بینک نے پاکستان کیلئے 65 کروڑ 88 لاکھ ڈالر قرض کی منظوری دےدی۔

ایشیائی ترقیاتی بینک کی جانب سے جاری اعلامیے میں کہا گیا ہےکہ قرض سے مختلف شعبوں میں تین منصوبے مکمل کیے جائیں گے، امداد ٹیکس وصولی بڑھانے، سیلاب متاثرہ اسکولوں کی بحالی اور زرعی پیداواربڑھانےکے منصوبوں پربھی خرچ ہوگی۔

اعلامیے میں مزید کہا گیا ہےکہ 30 کروڑ ڈالرکے پروگرام کے ذریعے ٹیکس وصولی بڑھائی جائےگی، ٹیکس اصلاحات، حکومتی اخراجات میں کمی اور سرمایہ کاری بڑھانےکے اقدامات کیے جائیں گے۔

حکومتی قرض اکتوبر 2023 کے اختتام پر 62 ہزار 482 ارب روپے رہا: اسٹیٹ بینک

حکومت نے اکتوبر میں7 ہزار 853 ارب روپے مقامی جب کہ 4 ہزار 422 ارب روپے بیرونی قرض لیا ہے

اعلامیے کے مطابق سندھ میں اسکولوں کی بحالی کیلئے ساڑھے 27 کروڑ ڈالرفراہم کیے جائیں گے، اس امداد سے 1600 اسکولوں کی تعمیرنو اوربحالی کی جائےگی، سندھ میں سیلاب متاثرہ اسکولوں کی بحالی کے منصوبے کیلئے 8 لاکھ ڈالرگرانٹ دی جائےگی جب کہ خیبرپختونخوا میں غذائی تحفظ کے منصوبے کیلئے 8کروڑ ڈالر امداد دی جائے گی، خواتین کسانوں کوبیجوں کی صفائی اور زرعی کیمیکلزکے محفوظ استعمال کیلئے 30 لاکھ ڈالر امداد دی جائے گی۔