دورہ آسٹریلیا میں قومی ٹیم کے ساتھ ڈاکٹر موجود نہ ہونے کا انکشاف

کراچی: دورہ آسٹریلیا میں قومی ٹیم کے پاس ڈاکٹر نہ ہونے کا انکشاف ہوا ہے۔

قومی ٹیم ان دنوں دورہ آسٹریلیا پر ہے جہاں ٹیم نے آسٹریلیا سے3 ٹیسٹ میچوں کی سیریز کھیلنی ہے جس کی قیادت بطور کپتان شان مسعود کررہے ہیں۔

ذرائع کے مطابق دورہ آسٹریلیا میں قومی ٹیم کے پاس ڈاکٹر نہیں ہے، مینجمنٹ کے 17 افراد میں ڈاکٹرسہیل سلیم کا نام ہے اور  ڈاکٹر سہیل سلیم ویزا مسائل کے سبب 14 دسمبر کوپرتھ میں ٹیم کو جوائن کریں گے۔

ذرائع کے مطابق پاکستان ٹیم کے ہمراہ اس وقت کلف ڈکن فزیوتھراپسٹ اور مساجر ملنگ موجود ہیں۔

دوسری جانب یو اے ای جانے والی انڈر-19 ٹیم کے مینیجر ٹیم کے ساتھ نہیں جاسکے۔

سابق ٹیسٹ کرکٹر شعیب محمد انڈر-19 ٹیم کے مینیجر ہیں جو پاسپورٹ کی تجدید نہ ہونے پر بطور مینیجر ٹیم کے ساتھ نہ جاسکے۔

ایشین بیس بال چیمپئن شپ میں پاکستان کی شاندار کار کردگی، دوسری فتح حاصل کرلی

بیس بال چیمپئن شپ میں پلیسمنٹ راؤنڈ کے میچ میں پاکستان نے فلسطین کو 3-12 سے شکست دی

کینبرا: پاکستان اور آسٹریلیا کی پرائم منسٹر الیون کا میچ ڈرا

یہ چار روزہ میچ ٹیسٹ میچ سیریز کی تیاری کا حصہ تھا