09 دسمبر ، 2023 
پاکستان
آج بھی مجھے اور میری بیٹیوں کو پیشی سے متعلق کوئی اطلاع نہیں دی گئی، ان سے پوچھیں جو بھابی اوربھتیجیوں کا حق مار رہے ہیں: حبا چوہدری— فوٹو:فائل
جیل میں فواد سے ملاقات نہیں کروائی گئی، سب فیصل چوہدری کے کہنے پر ہوا: حبا کا الزام
09 دسمبر ، 2023
سابق وفاقی وزیر فواد چوہدری کی اہلیہ حبا چوہدری نے دیور فیصل چوہدری پر شوہر سے ملاقات نہ کرانے کا الزام لگا دیا۔
اپنے بیان میں حبا فواد کا کہناتھاکہ آج فواد چوہدری کو عدالت پیش کیا گیا اور پھر اینٹی کرپشن کے حوالے کردیا گیا۔
انہوں نے الزام عائد کیاکہ کل مجھے اڈیالہ جیل میں فواد سے ملاقات نہیں کروائی گئی، یہ سب وکیل فیصل چوہدری کے کہنے پر ہوا۔
ان کا کہنا تھاکہ آج بھی مجھے اور میری بیٹیوں کو پیشی سے متعلق کوئی اطلاع نہیں دی گئی، یہ سب وکیل فیصل چوہدری کی طرف سے کیا جا رہا ہے، ان سے پوچھیں جو بھابی اوربھتیجیوں کا حق مار رہے ہیں۔
خیال رہے کہ آج اسلام آباد کی عدالت نے فواد چوہدری کو ایک روزہ راہداری ریمانڈ پر اینٹی کرپشن کے حوالے کردیا۔
