09 دسمبر ، 2023 
شاہ چارلس نے خاتون کیجانب سے غزہ میں جنگ بندی کا مطالبہ سنا ان سنا کردیا
09 دسمبر ، 2023
برطانیہ کے شاہ چارلس سے ایک تقریب کے دوران خاتون نے غزہ میں جنگ بندی کا مطالبہ کر دیا۔
سوشل میڈیا پر سامنے آنے والی ایک ویڈیو میں دیکھا جاسکتا ہےکہ ایک تقریب میں خاتون نے پُکارا کنگ چارلس۔۔۔۔
شاہ چارلس کے متوجہ ہونے پر خاتون نےکہا کہ غزہ میں جنگ بندی کا مطالبہ کریں، شاہ چارلس کو سمجھ نہ آئی جس پر خاتون نے دوبارہ کہا کہ غزہ میں جنگ بندی کا مطالبہ کریں۔
خاتون کی بات سمجھ آنے پر شاہ چارلس نے اسے سنی ان سنی کردیا اور فوراً دوبارہ دیگر لوگوں سے بات کرنے میں مصروف ہوگئے۔
خاتون بھی چپ نہ رہیں اور 'فلسطین آزاد کرو' اور 'جنگ بند کرو' کے نعرے لگاتی رہیں۔
خیال رہے کہ غزہ کے رہائشی علاقوں میں اسرائیلی فوج کے حملے جاری ہیں، اسرائیلی طیاروں نے خان یونس، رفح، بیت لاہیہ پر بم باری کرکے 24 گھنٹوں میں 133 فلسطینی شہید کر دیے۔
7 اکتوبر سے اب تک شہدا کی تعداد 18 ہزار کے قریب پہنچ گئی ہے جب کہ زخمی 48 ہزار سے بڑھ گئے ہیں۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
7 گھنٹے پہلے
ترکیہ میں ہیلی کاپٹر حادثے میں 4 افراد ہلاک
8 گھنٹے پہلے
جنوبی افریقا میں 5.3 شدت کا زلزلہ
10 گھنٹے پہلے
