کرک: گھر میں تھیلے میں بھری گیس کے دھماکے میں بچوں سمیت 10 افراد زخمی

خیبر پختونخوا کے ضلع کرک میں گھر  میں تھیلے میں بھری گیس کے دھماکے میں 10 افراد زخمی ہوگئے۔

پولیس کے مطابق  واقعہ کرک کی تحصیل بانڈہ  داؤد شاہ میں پیش آیا جہاں ایک گھر میں تھیلے  میں  بھری گیس کے باعث دھماکا ہوگیا۔

پولیس کا کہنا ہےکہ دھماکےکے باعث آگ لگ گئی اور 10 افراد زخمی ہوگئے، زخمیوں میں بچے بھی شامل ہیں۔

زخمی  ہونے والی 4  بچیوں کو  تشویش ناک حالت میں  پشاور کے اسپتال منتقل کیا گیا ہے جب کہ دیگر افراد مقامی اسپتال میں  زیر علاج ہیں۔

خیال رہے کہ مختلف علاقوں میں پابندی کے باوجود پلاسٹک کے  بڑے  تھیلوں  میں گیس  بھر کر  استعمال کرنےکا سلسلہ جاری ہے۔

گیس کی قلت، شہری مہنگی ایل پی جی اور لکڑی استعمال کرنے پر مجبور

بچے صبح ناشتہ کیے بغیر اسکول جاتے ہیں، بڑے بھی بھوکے پیٹ کام پر چلے جاتے ہیں: شہریوں کا شکوہ

کرک: مین پائپ لائن سے شہری پلاسٹک کے تھیلوں میں گیس بھرکرلے جانے لگے

گیس کی لوڈشیڈنگ سے تنگ شہریوں نے ضلع کرک میں مین پائپ لائن سے چوری کرنا شروع کردی ہے