اسرائیلی فوج کے ہاتھوں گرفتار فلسطینیوں کو برہنہ کرنے کی مزید ویڈیوز سامنے آگئیں

غزہ میں اسرائیلی فوج کے ہاتھوں گرفتار فلسطینیوں کو کپڑے اتار کر قید کرنے کی مزید ویڈیوز سامنے آگئیں۔

اسرائیلی اخبار نے دعویٰ کیا کہ  فسلطینیوں کی گرفتاریاں جبالیا کیمپ سے کی گئی ہیں۔ 

ویڈیوز میں دیکھا گیا ہے کہ اسرائیلی فوج نے فلسطینیوں کے کپڑے اتار کر انہیں بظاہر سڑک پر بٹھا رکھا ہے۔

دوسری جانب انسانی حقوق کی عالمی تنظیموں نے ویڈیوز سامنے آنے کے بعد اسرائیلی فوج کے اس عمل کی سخت الفاظ میں مذمت  کرتے ہوئے  اسرائیل کے طرزِ عمل کو غیر انسانی قرار دے دیا۔

تاہم اسرائیلی وزیرِ اعظم کے مشیر نے اس توہین آمیز سلوک کا دفاع  کرتے ہوئے کہا ہے کہ ایسا کرنے سے دنیا ختم نہیں ہوگئی ۔ ویسے بھی مشرقِ وسطیٰ میں گرم موسم ہوتا ہے۔

غزہ میں فلسطینی شہریوں کے ساتھ اسرائیلی فوج کے بدترین سلوک کی ویڈیو وائرل

وائرل تصاویر اور ویڈیوز میں دیکھا جاسکتا ہے کہ زیر حراست درجنوں فلسطینیوں کو شدید سردی میں کپڑے اتار کر کھلے مقامات پر بٹھایا گیا

واضح رہے کہ اس سے قبل بھی غزہ میں فلسطینی شہریوں کے ساتھ اسرائیلی فوج کے بدترین سلوک کی ویڈیو اور تصاویر وائرل ہوئی تھیں۔

وائرل تصاویر اور ویڈیو میں دیکھا گیا تھا کہ زیر حراست درجنوں فلسطینیوں کو شدید سردی میں کپڑے اتار کر کھلے مقامات پر بٹھایا گیا۔

اقوام متحدہ کی امدادی ایجنسی (یو این آر ڈبلیو اے) نے کہا کہ اسرائیل کا منصوبہ فلسطینیوں کو غزہ سے مصر میں دھکیلنا ہے۔

امدادی ایجنسی نے اپنے بیان میں کہا ہے کہ اسرائیلی فوج کی شمالی غزہ میں تباہی اس منصوبے کا پہلا قدم تھا۔

انسانی حقوق کے عالمی دن بھی اسرائیل کے غزہ میں جنگی جرائم، مزید 300 فلسطینی شہید

اسرائیلی فوج نے غزہ میں گزشتہ 24 گھنٹوں میں 250 سے زیادہ حملےکیے، رہائشی علاقوں میں بمباری سے کل سے اب تک 300 فلسطینی شہید ہوگئے

ایجنسی کا کہنا ہے کہ جنوبی غزہ سے فلسطینیوں کو انخلا کی دھمکی اس منصوبے کا اگلا قدم ہے، جنوبی غزہ میں 19 لاکھ فلسطینی بدترین حالات میں پھنسے ہیں۔

واضح رہےکہ 7 اکتوبر سے اب تک فلسطینی شہدا کی تعداد 18 ہزار کے قریب پہنچ گئی ہے جب کہ زخمی افراد کی تعداد 48 ہزار سے بڑھ چکی ہے، غزہ میں اسرائیلی بمباری سے شہید ہونے والوں میں 8000 سے زائد بچے شامل ہیں، جب کہ ہزاروں افراد لاپتہ ہیں جن کے ملبے تلے دبے ہونےکا خدشہ ہے۔