سائفر کیس میں فرد جرم لگی ہے، ضروری نہیں اس پر ملزمان کے دستخط ہوں: ایف آئی اے پراسیکیوٹر

اسلام آباد: ایف آئی اے کے پراسیکیوٹر رضوان عباسی نے کہا ہےکہ سائفر کیس کی فرد جرم عدالت میں پڑھ کر سنائی گئی جس میں ملزمان نے صحت جرم سے انکار بھی کیا۔

اڈیالہ جیل کے باہر میڈیا سے گفتگو کرتے ہوئے ایف آئی کے پراسیکیوٹر رضوان عباسی نے کہا کہ چارج فریم کرنےکا ایک طریقہ ہے اور فردجرم عدالت میں پڑھ کرسنائی گئی ہے، عدالت نے ملزمان سے پوچھا آپ پریہ الزامات ہیں، ملزمان نے فرد جرم میں لگے الزامات کے صحت جرم سے انکار کیا ہے۔

ایف آئی اے پراسیکیوٹر نے کہا کہ فرد جرم عائد ہونےکی کارروائی گزشتہ روز مکمل کرلی گئی ہے، قانون میں فرد جرم کی دستاویز پر ملزمان کے دستخط ضروری نہیں۔

رضوان عباسی کا کہنا تھا کہ ہم نےگزشتہ روز ان کیمرا ٹرائل کی درخواست دی ہے، آفیشل سیکرٹ ایکٹ کی سیکشن 14کے تحت ان کیمرا ٹرائل کی درخواست دی ہے، آج پراسیکیوشن کی جانب سے 4 گواہان کو پیش کیا جائےگا۔

سائفرکیس: عمران اور شاہ محمود پر فرد جرم عائد ہوئی یا نہیں؟ متضاد بیانات سامنے آگئے

اسپیشل پراسیکیوٹر ایف آئی اے کے مطابق فرد جرم عائد ہوچکی ہے جب کہ پی ٹی آئی وکلا نے خبر کو غلط قرار دیا ہے

سائفر کیس میں عمران خان اور شاہ محمود قریشی پر فرد جرم عائد

بانی پی ٹی آئی اور شاہ محمود قریشی پر فرد جرم آفیشل سیکریٹ ایکٹ کی خصوصی عدالت کے جج ابوالحسنات ذوالقرنین نے سنائی