17 دسمبر ، 2023 
پاکستان
شہری عثمان شبیر نے فیشن ہاؤس کے مالک کو 5 لاکھ روپے ہر جانےکا نوٹس بھیج دیا/ فائل فوٹو
شادی کی تقریب کیلئے پرانی شیروانی کیوں دی؟ راولپنڈی کا شہری عدالت پہنچ گیا
17 دسمبر ، 2023
راولپنڈی میں شادی کی تقریب کیلئے پرانی شیروانی دینے پر شہری عدالت پہنچ گیا۔
شہری عثمان شبیر نے نئی شیروانی کے پیسے لیکر پرانی شیروانی دینے پر فیشن ہاؤس کے مالک کو 5 لاکھ روپے ہر جانےکا نوٹس بھیج دیا۔
نوٹس کے مطابق شہری نے 8 ستمبرکو فیشن ہاؤس کو نئی شیروانی کی تیاری کا آرڈر دیا، فیشن ہاؤس کے مالک نے نئی شیروانی تیار کرنے کیلئے 20 ہزار روپے مانگے، نئی شیروانی کی تیاری کی مد میں15 ہزار روپے بطور ایڈوانس ادا کیا۔
نوٹس میں بتایا گیا ہے کہ فیشن ہاؤس کے مالک نے نئی کے بجائے پرانی شیروانی تھما دی جو پنجاب کنزیومرپروٹیکشن ایکٹ2005 کی خلاف ورزی ہے۔
شہری کی درخواست پر ڈسٹرکٹ کنزیومرکورٹ نے فیشن ہاؤس کے مالک کو نوٹس جاری کرتے ہوئے 2 جنوری کو طلب کر لیا ہے۔
