21 دسمبر ، 2023 
خرم شہزاد کی انجری کے بعد ٹیم منیجمنٹ کا شاہین پر زیادہ بوجھ نہ ڈالنے کا فیصلہ
21 دسمبر ، 2023
دورہ آسٹریلیا میں فاسٹ بولر خرم شہزاد کی انجری کے بعد پاکستا ن ٹیم منیجمنٹ نے شاہین شاہ آفریدی پر زیادہ بوجھ نہ ڈالنے کا فیصلہ کیا ہے۔
ذرائع کے مطابق آج پاکستان ٹیم کے پریکٹس سیشن میں بھی شاہین آفریدی سے بولنگ نہیں کرائی گئی۔
ذرائع کا کہناہے کہ جمعہ سے شروع ہونیوالے 2 روزہ پریکٹس میچ میں بھی شاہین آفریدی سے محدود بولنگ کرائی جائے گی تاکہ 26 دسمبر سے شروع ہونے والے دوسرے ٹیسٹ میچ کے لیے وہ تازہ دم رہ سکیں۔
ذرائع کے مطابق خرم شہزاد کے متبادل کے طور پر دوسرا بولر فی الحال آسٹریلیا نہیں بھیجا جا رہا ۔
واضح رہے کہ قومی ٹیم کے فاسٹ بولر خرم شہزاد پسلی میں فریکچر کی وجہ آسٹریلیا کے خلاف ٹیسٹ سیریز سے باہر ہو گئے ہیں۔فاسٹ بولر نے پہلے ٹیسٹ کے دوران بائیں پسلی میں تکلیف کی شکایت کی تھی۔
پاکستان اور آسٹریلیا کے درمیان دوسرا ٹیسٹ 26 دسمبر سے میلبرن میں کھیلا جائے گا، آسٹریلیا کو تین ٹیسٹ میچوں کی سیریز میں ایک صفر کی برتری حاصل ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
