ہر وقت ناخوش یا پریشان رہتے ہیں؟ تو اس کی وجہ جان لیں

اگر آپ ہر وقت ناخوش، پریشان یا فکر مند رہتے ہیں؟ تو نیند کی کمی اس کی بڑی وجہ ہو سکتی ہے۔

یہ بات امریکا میں ہونے والی ایک طبی تحقیق میں سامنے آئی۔

مونٹانا اسٹیٹ یونیورسٹی کی تحقیق میں بتایا گیا کہ نیند کی کمی یا ناقص نیند سے مزاج اور ذہنی صحت پر بہت زیادہ منفی اثرات مرتب ہوتے ہیں، خاص طور پر انزائٹی اور ڈپریشن جیسے امراض کا خطرہ بڑھتا ہے۔

تحقیق کے مطابق نیند کے تمام مسائل سے ذہنی صحت پر اثرات مرتب ہوتے ہیں، خاص طور خوشگوار مزاج سب سے زیادہ متاثر ہوتا ہے۔

فالج اور ہارٹ اٹیک جیسے جان لیوا امراض سے بچنے کا آسان طریقہ

ہفتہ وار تعطیل کے موقع پر کم از کم ایک گھنٹے کی اضافی نیند سے امراض قلب کا خطرہ نمایاں حد تک کم ہوتا ہے۔

اس تحقیق میں گزشتہ 50 برسوں کے دوران 5 ہزار سے زائد افراد پر ہونے والی 154 تحقیقی رپورٹس کا تجزیہ کیا گیا۔

ان تحقیقی رپورٹس میں شامل افراد پر بے خوابی، نیند کے دوران جاگنے یا نیند کی جزوی کمی کے اثرات کی جانچ پڑتال کی گئی تھی۔

نتائج سے معلوم ہوا کہ نیند کے تمام مسائل اور ذہنی امراض کے درمیان ٹھوس تعلق موجود ہے۔

محققین نے بتایا کہ نیند کی کمی سے انزائٹی کااحساس بڑھتا ہے جبکہ جذباتی صحت پر بھی منفی اثرات مرتب ہوتے ہیں۔

کیا صبح اٹھنے کیلئے فون الارم کا سہارا لیتے ہیں؟ تو آپ کو یہ جان لینا چاہیے

صبح کے وقت الارم بجنے سے جھنجھلاہٹ ہی نہیں ہوتی بلکہ اس سے بلڈ پریشر بھی بڑھتا ہے۔

انہوں نے کہا کہ دنیا بھر میں متعدد افراد نیند کی کمی کے شکار ہیں اور تحقیق سے ثابت ہوتا ہے کہ نیند کی کمی ہماری ذہنی اور جذباتی صحت کے لیے نقصان دہ ہوتی ہے۔

انہوں نے مزید بتایا کہ نیند کی کمی سے دماغی خلیات کے افعال میں تبدیلی آتی ہے جس کے باعث انزائٹی اور دیگر مسائل کا خطرہ بڑھتا ہے۔

تحقیق کے مطابق اگر کوئی فرد پہلے ہی انزائٹی یا ڈپریشن کا شکار ہو تو نیند کی کمی سے ان امراض کی شدت میں اضافہ ہو جاتا ہے۔

موٹاپے اور ذیابیطس جیسے دائمی امراض سے بچانے والی بہترین غذا

تازہ پھلوں اور سبزیوں پر مشتمل غذا کو ترجیح دیکر آپ ذیابیطس ٹائپ 2 اور موٹاپے سے خود کو محفوظ رکھ سکتے ہیں۔

محققین کا کہنا تھا کہ اگر آپ کو سونے میں مشکلات کا سامنا ہے تو یہ کسی ذہنی بیماری کی اولین علامت ہو سکتی ہے۔

انہوں نے مزید کہا کہ دائمی بے خوابی سے ڈپریشن یا انزائٹی کا خطرہ بڑھتا ہے، نیند کی کمی سے بھی انزائٹی کا خطرہ بڑھتا ہے۔

اس تحقیق کے نتائج جرنل سائیکولوجیکل بلیٹن میں شائع ہوئے۔