23 دسمبر ، 2023 
امریکی عدالت کا ٹرمپ کے استثنیٰ سے متعلق کیس کی تیز تر سماعت سے انکار
23 دسمبر ، 2023
امریکی سپریم کورٹ نے سابق صدر ڈونلڈ ٹرمپ کومبینہ طورپر حاصل استثنیٰ سے متعلق مقدمے کی تیز تر سماعت سے انکار کردیا۔
عدالتی انکار کے بعد 2020 کے الیکشن میں سابق صدر کی مبینہ مداخلت کا مقدمہ التوا کا شکار ہوگیا۔
اسپیشل کونسل جیک اسمتھ نے سپریم کورٹ سے درخواست کی تھی کہ وہ فیڈرل کورٹ آف اپیلز کو نظرانداز کرتے ہوئے، استثنی سے متعلق مقدمے کو ترجیحی بنیاد پر نمٹائے تاہم امریکا کی اعلیٰ ترین عدالت نے یہ درخواست بغیروجہ بتائے مسترد کردی۔
امریکی ڈسٹرکٹ جج تانیہ چُٹکن نے یکم دسمبر کو فیصلے میں واضح کیا تھا کہ ڈونلڈ ٹرمپ کو استثنیٰ حاصل نہیں۔
ٹرمپ کے وکلا نے عدالتی فیصلے کے خلاف کورٹ آف اپیلز میں درخواست دائر کی تھی جبکہ اسپیشل کونسل نے سپریم کورٹ سے اپیل کی تھی کہ وہ معاملے میں مداخلت کرے اور مقدمے کی خود سماعت کرے۔
اسمتھ کی درخواست مسترد ہونے کے سبب اب کورٹ آف اپیل ہی مقدمے کی سماعت کرے گا۔
ٹرمپ کے وکلا چاہتے ہیں کہ معاملہ نومبر2024 کے صدارتی انتخابات کے بعد تک ملتوی ہوجائے اور ان کا دعویٰ ہے کہ ڈونلڈ ٹرمپ کو بطور صدر حاصل اختیارات کے سبب استثنیٰ حاصل ہے۔
ٹرمپ ریپبلکن پارٹی کی جانب سے نامزدگی حاصل کرنے کے سرفہرست صدارتی امیدوار ہیں تاہم ان پر اگست میں فرد جرم عائد کی جا چکی ہے کہ انہوں نے 2020 کے صدارتی انتخابات کے نتائج پلٹنے کی کوشش کی تھی جس کی وجہ سے 6 جنوری کو کیپیٹل پر حملے کا واقعہ پیش آیا تھا۔
مزید خبریں :
حزب اللہ نے حسن نصراللہ کی تدفین کا اعلان کردیا
10 گھنٹے پہلے
آکسفورڈ یونیورسٹی کے نئے چانسلر کا انتخاب ہوگیا
11 گھنٹے پہلے
روس کا یوکرین پر اب تک کا سب سے بڑا ڈرون حملہ
26 نومبر ، 2024
