01 جنوری ، 2024 
جرائم
کراچی میں سال نو پر ہوائی فائرنگ سے زخمی بچی دوران علاج دم توڑ گئی
01 جنوری ، 2024
کراچی میں نئے سال کی آمد پر ہوائی فائرنگ نے 3 سال کی بچی کی جان لے لی۔
ریسکیو حکام کے مطابق گزشتہ شب کورنگی میں 5 سال کی ثانیہ زخمی ہوئی تھی اور جناح اسپتال میں زیر علاج تھی۔
حکام نے بتایاکہ ثانیہ دوران علاج جناح اسپتال میں دم توڑ گئی۔ بچی کی موت پر والدین غم سے نڈھال ہیں۔
خیال رہے کہ گزشتہ شب شہرِ قائد کے مختلف علاقوں میں سالِ نو کے موقع پر ہوائی فائرنگ کے واقعات میں خواتین اور بچوں سمیت 25 سے زائد افراد زخمی ہوئے تھے۔
