آئی فون صارفین اپنے فون کو ایپس ٹریکنگ سے کیسے بچاسکتے ہیں؟

06 جنوری ، 2024

اگر آپ ان ایپس کی ٹریکنگ سے بچنا چاہتے ہیں تو پریشان ہونے کی ضرورت نہیں کیونکہ ایپل کی سکیورٹی میں اس کا حل بھی موجود ہے/ فائل فوٹو

کیا آپ کو معلوم ہے شاپنگ ایپس آپ کے آئی فون کو ٹریک کرتی ہیں جن سے بچا جاسکتا ہے۔

آئی فون استعمال کرنے والے اس کی سکیورٹی سے مطمئن نظر آتے ہیں، فیس آئی ڈی، ٹچ آئی ڈی اور پاسکوڈ کے ذریعے آئی فون کے ڈیٹا کو محفوظ بنایا جاتا ہے تاہم شاید سب آئی فون استعمال کرنے والے یہ نہیں جانتے کہ شاپنگ ایپس آپ کے آئی فون کو ٹریک کرتی ہیں۔

اگر آپ ان ایپس کی ٹریکنگ سے بچنا چاہتے ہیں تو پریشان ہونے کی ضرورت نہیں کیونکہ ایپل کی سکیورٹی میں اس کا حل بھی موجود ہے۔

ایپل کے پاس ایک ایسا فیچر ہے جس کو ایک بار فعال کرنے سے آپ جان سکتے ہیں کہ کون سی ایپس آپ کو ٹریک کررہی ہیں اور اسی فیچر سے آپ ان سب سے بچ بھی سکتے ہیں۔

ایپ ٹریکنگ ٹرانسپیرنسی

اس فیچر کو ایپ ٹریکنگ ٹرانسپیرنسی کہا جاتا ہے جو تمام ٹریکنگ ایپس کو چیک کرکے ان کو ٹریکنگ سے بلاک کرسکتا ہے۔

یہ بھی پڑھیں

ٹرانسپیرنسی وہ ٹول ہے جو آئی فون کے صارفین کو بتاتا ہے کہ ایپس کس طرح سے آپ کو ٹریک کرسکتی ہیں یا نہیں، یہ آپ کی ڈیوائس اور ایپس کو درمیان کے لنک کو بلاک کردیتا ہے۔

کمپنی کی جانب سے یہ فیچر 2020 میں اس وقت متعارف کروایا گیا تھا جب ایپل نے اپنا آئی او ایس 14 ورژن کو دنیا کے سامنے پیش کیا تھا۔

اس کے علاوہ ایپل اپنی تمام ڈیوائسز چاہے وہ آئی او ایس ہو یا آئی پیڈ او ایس یا پھر میک او ایس کو وقت کے ساتھ ساتھ اپڈیٹ کرتا رہتا ہے جس کا مقصد اپنی ڈیوائسز کی سکیورٹی کو محفوظ بنانا ہے۔