کے پی میں الیکشن ٹربیونلز نےکاغذات نامزدگی سے متعلق 331 درخواستوں میں سے 242 منظورکیں

پشاور: الیکشن کمیشن نے عام انتخابات 2024 کے لیے کاغذات نامزدگی سے متعلق الیکشن ٹربیونلز کی رپورٹ جاری کردی۔

الیکشن کمیشن کی رپورٹ کے مطابق خیبر پختو نخوا بھر سے 331 اپیلیں الیکشن ٹربیونل کو موصول ہوئیں، جسٹس عتیق شاہ،جسٹس شکیل احمد اور جسٹس وقار احمد نے 173 اپیلوں کی سماعت کی۔

رپورٹ میں بتایا گیا ہے کہ پشاور ہائی کورٹ ایبٹ آباد بینچ کے جسٹس کامران حیات میاں خیل نے 25 اپیلوں اور پشاور ہائی کورٹ مینگورہ بینچ کے جسٹس محمد نعیم انور نے 86 اپیلوں کی سماعت کی۔

الیکشن کمیشن کی رپورٹ کے مطابق پشاو رہائی کورٹ ڈی آئی خان بینچ کے جسٹس فہیم ولی نے 14 اپیلوں اور  پشاور ہائی کورٹ بنوں بینچ کے جسٹس فضل سبحان نے 33 اپیلوں پر سماعت کی۔

سپریم کورٹ آر اوز کو یہ نہیں کہہ سکتی کہ کسی کے کاغذات نامزدگی مسترد نہ کریں: چیف جسٹس

الیکشن کمیشن کی رپورٹ کے مطابق پی ٹی آئی کے 76 فیصد امیدواروں کے کاغذات منظور ہوئے ہیں: سپریم کورٹ

 رپورٹ میں بتایا گیا کہ دائر 331 درخواستوں میں 242 منظور اور 89 مسترد کی گئیں۔

الیکشن کمیشن کی رپورٹ کے مطابق الیکشن ٹربیونل پشاور نے 43 اورالیکشن ٹربیونل ایبٹ آباد اور مینگورہ نے 17 امیدواروں کے کاغذات مسترد کیے۔

اس کے علاوہ الیکشن ٹربیونل ڈی آئی خان اور بنوں نے 4 ،4 امیدواروں کے کاغذات مسترد کیے۔