24 جنوری ، 2024 
غزہ میں بڑا جانی نقصان اٹھانے کے بعد اسرائیلی فوج نے خان یونس میں حملے تیز کر دیے
24 جنوری ، 2024
غزہ میں بڑا جانی نقصان اٹھانے کے بعد اسرائیلی فوج نے خان یونس میں حملے تیز کردیے۔
اسرائیلی فوج نے خان یونس میں قائم النصر اسپتال پر شدید گولہ باری کی اور چند گھنٹوں میں 40 فلسطینی شہید کردیے، اس کے علاوہ گلیوں اور مکانوں میں فلسطینی مزاحمت کاروں کے ساتھ شدید جھڑپوں میں کئی اسرائیلی فوجی زخمی ہوگئے۔
فلسطین کی مزاحمتی تنظیم حماس نے اسرائیل کا جدید ترین ڈرون طیارہ ’میٹرکس 600‘ مار گرایا اور کئی ٹینک اور بلڈوزر تباہ کر دیے۔
گزشتہ روز حماس کے حملے میں افسران سمیت 24 اسرائیلی فوجی مارے گئے تھے۔
ادھر حزب اللہ نے بھی اسرائیل کے میرون ائیربیس پر راکٹ حملے کیے اور انفرااسٹرکچر کو نقصان پہنچایا۔
دوسری جانب وائٹ ہاؤس کا کہنا ہے یرغمالیوں کی رہائی کے بدلے طویل جنگ بندی معاہدے پر بات چیت کے لیے امریکی مشیر Brett McGurk مشرق وسطیٰ کےدورے پر ہیں۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
