29 جنوری ، 2024
سپریم کورٹ میں صحافیوں کو ہراسانی سے متعلق ازخود نوٹس کی سماعت کے دوران جیو نیوز کے اندرونی احتساب کا طریقہ کار اور رولز پر ریمارکس دیے گئے۔
کیس کی سماعت کے دوران سپریم کورٹ کے جسٹس محمد علی مظہر نے ریمارکس دیے کہ یوٹیوب کا کوئی کوڈ آف کنڈکٹ نہیں ہوتا، ٹی وی کیلئے تو پیمرا کا ضابطہ اخلاق موجود ہے، صرف جیو نیوز میں اندرونی احتساب کا طریقہ کاراور رولزبنائے گئے تھے۔
دوسری جانب جیو نیوز نے جیو اصول وضع کیے تھے جس میں کہا گیا ہے کہ اگر کبھی غلطی ہو جائے تو اس کی تصحیح کی جائے گی۔
جیو نیوز پر غلطی آن ایئر ہونے کے بعد نہ صرف اسے ٹھیک کیا جاتا ہے بلکہ اس غلطی سے متاثر ہونے والی شخصیت سے معذرت بھی کی جاتی ہے۔
خیال رہے کہ سپریم کورٹ نے وفاقی تحقیقاتی ایجنسی (ایف آئی اے) کو عدلیہ پر تنقید کرنے والوں کے خلاف کارروائی سے روک دیا ہے۔