30 جنوری ، 2024 
پی سی بی تینوں فارمیٹ کا ایک کپتان بنائے تاکہ یہ کپتانی کی لڑائیاں ختم ہوجائیں: آفریدی
30 جنوری ، 2024
پاکستان کرکٹ ٹیم کے سابق کپتان شاہد آفریدی نے مشورہ دیا ہے کہ پاکستان کرکٹ بورڈ(پی سی بی) کو تینوں فارمیٹ کا ایک کپتان اناؤنس کرنا چاہیے تاکہ یہ کپتانی کی لڑائیاں ختم ہوجائیں۔
شاہد آفریدی نے اسپورٹس اکیڈمی پروجیکٹ کے موقع پر میڈیا سے گفتگو کرتے ہوئے کہا کہ قومی کرکٹ ٹیم کا ایک کپتان اگر بن رہا ہے تو پی سی بی کو اسے دو تین سال کیلئے منتخب کردینا چاہیے۔
سابق کپتان نے کہا کہ کسی کو نائب کپتان بنانے کی ضرورت نہیں، جہاں کپتان کسی وجہ سے میچ میں نہ ہو وہاں موقع دیکھ کر کسی کھلاڑی کو کپتانی کی ذمہ داری دیں۔
واضح رہے اس وقت پاکستان ٹی ٹوئنٹی ٹیم کی کپتانی شاہین آفریدی کے پاس ہے، جبکہ وکٹ کیپر بیٹر محمد رضوان ان کے نائب ہیں۔
اسی طرح قومی ٹیسٹ ٹیم کے کپتان شان مسعود ہیں جبکہ دورہ آسٹریلیا میں شاہین آفریدی نائب کپتان تھے۔
بابر اعظم کے کپتانی سے ریٹائرمنٹ کے بعد ون ڈے ٹیم کی کپتانی ابھی تک کسی کو نہیں سونپی گئی۔
مزید خبریں :
ہانگ کانگ سپر سکسز، پاکستان نے سیمی فائنل کیلئے کوالیفائی کرلیا
02 نومبر ، 2024
