پی ٹی آئی رہنما حماد اظہر عام انتخابات سے دستبردار ہوگئے

اسلام آباد: پی ٹی آئی کے رہنما اور سابق وزیر حماد اظہر نے عام انتخابات سے دستبردار ی کا اعلان کردیا۔

سپریم کورٹ میں جسٹس منصور علی شاہ اور جسٹس جمال مندوخیل نے حماد اظہرکے کاغذات نامزدگی مسترد ہونے سے متعلق کیس کی سماعت کی جس میں معاون وکیل نے عدالت کو بتایا کہ حماد اظہر اپیل کی پیروی نہیں کرنا چاہتے۔

عمران کو غرور اور تکبر کی سزا ملی، سائفر کیس میں سزا کے وہ خود ذمہ دار ہیں: پرویز خٹک

بانی پی ٹی آئی کا مشن غربت کا خاتمہ نہیں غریب کو غریب تر بنانا تھا ، سابق حکومتوں نے قرضے لے کر ملک کا خانہ خراب کیا: سربراہ پی ٹی آئی پی

جسٹس منصور نے سوال کیا کہ ہائیکورٹ نے اپنے فیصلے میں62 ون ایس کا حوالہ کیوں دیا ہے؟ سپریم کورٹ کا فیصلہ واضح ہےکہ آرٹیکل 62 ون ایف کا اطلاق ازخود نہیں ہوتا۔

جسٹس منصور نے کہا کہ اپیل واپس لینے کی وجہ سے حماد اظہرکو فیصلے کا فائدہ نہیں ہوگا، جسٹس جمال نے کہا کہ لگتا ہے حماد اظہر سرینڈر نہیں کرنا چاہتے۔

بعد ازاں حماد اظہر کے وکیل نے عدالت سے اپیل واپس لے لی اور سابق وزیر نے انتخابات سے دستبرداری کا بھی اعلان کردیا۔

واضح رہےکہ پی ٹی آئی رہنما حماد اظہر این اے 129 سے آزاد امیدوار تھے۔