02 فروری ، 2024 
کوہلی کی انگلینڈ کیخلاف سیریز کے باقی ٹیسٹ میچز میں شرکت معمہ بن گئی
02 فروری ، 2024
بھارتی بیٹر ویرات کوہلی کی انگلینڈ کے خلاف بقیہ تین ٹیسٹ میچز کے لیے اپنی ٹیم کو دستیابی معمہ بن کر رہ گئی ہے۔
سابق بھارتی کپتان ویرات کوہلی کی انگلینڈ کے خلاف سیریز میں عدم دستیابی کے حوالے سے کئی میڈیا رپورٹس سامنے آئی ہیں، ان رپورٹس میں بتایا گیا ہے کہ کوہلی ان دنوں بھارت میں موجود نہیں ہیں اس لیے وہ جلد ٹیم کو دستیاب نہیں ہوں گے۔
بھارتی میڈیا رپورٹس کے مطابق ویرات کوہلی کے انگلینڈ کے خلاف آخری تین ٹیسٹ کھیلنے کا امکان نہیں ہے۔
دوسری جانب بھارتی کرکٹ بورڈ نے ویرات کوہلی کے حوالے سے افواہیں نہ پھیلانے کی درخواست کی ہے اور بھارتی بورڈ کے حکام کا کہنا ہے کہ ویرات کوہلی کی واپسی کا کچھ علم نہیں ہے جبکہ ویرات کوہلی کے بھائی نے والدہ کی علالت کی بھی تردید کی ہے۔
یاد رہے کہ ویرات کوہلی نے انگلینڈ کے خلاف ابتدائی دو ٹیسٹ میچز سے دستبرداری کا اعلان کیا تھا، بھارت اور انگلینڈ کے درمیان دوسرا ٹیسٹ میچ آج سے کھیلا جا رہا ہے۔
پہلے ٹیسٹ میں انگلینڈ نے سنسنی خیز مقابلے کے بعد بھارت کو شکست دیدی تھی۔
مزید خبریں :
کراچی میراتھون 2025 کیلئے رنرز کی تیاری زور شور سے جاری
12 گھنٹے پہلے
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
