رضوان کا بابر سے شادی کا سوال، سابق کپتان کا دلچسپ جواب

قومی کرکٹر اور سابق کپتان بابراعظم نے محمد رضوان کو شادی سے متعلق سوال کا جواب سوشل میڈیا پر دینے سے انکارکردیا۔

سوشل میڈیا پر فینز سے گفتگو کے خصوصی سیشن میں محمد رضوان نے بابر کو کپتان کہتے ہوئے سوال کیا کہ کپتان آپ کی شادی کب ہے؟ اس پر بابر نے ہنستے ہوئے کہا کہ میں جانتا تھا کہ آپ یہی سوال کریں گے۔

رضوان نے بابر سے کہا کہ جواب تو آپ نے دینا پڑے گا، رضوان کے اصرار پر بابر نے کہا کہ میں آپ کو اکیلے میں اس کا جواب دوں گا۔

صبح 6 بجے والد کی دکان پر کام کرنے جاتا اور وقفے میں کرکٹ کھیلتا تھا: بابر کا انکشاف

پاکستان ٹیم میں پہلی بار نام آیا وہ زندگی کے جذبانی لمحات میں سے ایک تھا،آج جس مقام پر ہوں اس میں سرفراز احمد کا بڑا ہاتھ ہے: بابر کی سوشل میڈیا پر فینز سے خصوصی گفتگو

اس کے بعد میزبان نے بابر کیلئے خاتون مداح کا پیغام پڑھ کر سنایا جس میں انہوں نے  پوچھا تھا کہ آپ دوستوں کی شادیوں کا کھانا کھا کر تھکتے نہیں؟

سوال کے جواب میں بابر نے بتایا کہ’ پچھلے کچھ دنوں  سے جب میں  صبح اٹھتا ہوں تب میری شادی ہورہی ہوتی ہے، شام میں واپس آتا ہوں تو مجھے شادی کی مبارکباد دی جارہی ہوتی ہے، میرا خیال ہے کہ لوگ میری شادی کرچکے ہیں اب وہ کہہ رہے دوسرے کی تیاری کرو‘۔

 اسی دوران محمد رضوان نے بتایا کہ بابر کی شادی کی خواہش مجھ سے زیادہ میری اہلیہ کی ہے، وہ یہی پوچھتی ہیں کہ بابر کی شادی کب ہونی ہے۔