03 فروری ، 2024 
پاکستان
کراچی میں گزشتہ 24 گھنٹوں کے دوران کم سے کم درجہ حرارت 17.5ڈگری سینٹی گریڈ ریکارڈ کیا گیا: محکمہ موسمیات/فوٹوفائل
کراچی میں گرج چمک کیساتھ بارش کا امکان
03 فروری ، 2024
محکمہ موسمیات نے کراچی شہر میں اگلے 24 گھنٹوں کے دوران گرج چمک کے ساتھ بارش کا امکان ظاہر کیا ہے۔
محکمہ موسمیات کے مطابق کراچی میں گزشتہ 24 گھنٹوں کے دوران کم سے کم درجہ حرارت 17.5ڈگری سینٹی گریڈ ریکارڈ کیا گیا، ہوا میں نمی کا تناسب 69 فیصد اور شمال مشرق سے چلنے والی ہواؤں کی رفتار 6 کلو میٹر فی گھنٹہ ہے۔
محکمہ موسمیات نے اگلے 24 گھنٹوں میں مطلع جزوی ابر آلود رہنے کا امکان ظاہر کیا ہے، بتایا جا رہا ہے کہ اس دوران کم سے کم درجہ حرارت 19 سے 21 ڈگری سینٹی گریڈ تک رہنے کا امکان ہے۔
واضح رہے کہ محکمہ موسمیات نے کراچی میں 3 اور 4 فروری تک گرج چمک کے ساتھ بارش کا امکان ظاہر کیا تھا۔
