04 فروری ، 2024 
کھیل
گلیزر نے انٹرنیشنل ٹی ٹین لیگ کے دوران شاہین آفریدی اور اعظم خان سے ملاقات کی__فوٹو: سوشل میڈیا
مانچسٹر یونائیٹڈ کے مالک کی پاکستانی کرکٹرز سے ملاقات، فٹبال میچ دیکھنے کی دعوت
04 فروری ، 2024
فٹبال کلب مانچسٹر یونائیٹڈ کے مالک اورام گلیزر نے پاکستانی کرکٹرز سے ملاقات کی اور قومی کرکٹرز کے لیے اپنی پسندیدگی کا اظہار کیا۔
امریکی بزنس مین نے دبئی میں شاہین شاہ آفریدی اور اعظم خان سے ملاقات کی، دونوں کرکٹرز انٹرنیشنل ٹی ٹوئنٹی لیگ میں گلیزر کی ڈیزرٹ وائپرز ٹیم کا حصہ ہیں۔
گلیزر نے پاکستانی کرکٹرز کو مانچسٹر یونائیٹڈ کے میچز دیکھنے کی دعوت بھی دی۔
یاد رہے کہ گزشتہ روز کھیلے گئے میچ میں اعظم خان نے ٹی ٹین لیگ کی تیز ترین نصف سنچری 20 گیندوں پر مکمل کی تھی، ان کی نصف سنچری میں 4 چھکے اور 5 چوکے شامل تھے۔
