موت کی جھوٹی خبر، پونم پانڈے کیخلاف قانونی کارروائی کا مطالبہ

 بھارتی اداکارہ و ماڈل پونم پانڈے کو سروائیکل کینسر کی مہم کیلئے اپنی موت کا جھوٹا ڈرامہ رچانا مہنگا پڑگیا۔

 بھارتی میڈیا  کے مطابق  آل انڈیا سنیما  ورکرز ایسوسی ایشن نے  پونم پانڈے کیخلاف  ایف آئی آر درج کرنے کا مطالبہ کردیا۔

 ایسویسی ایشن کی جانب سے کی گئی ٹوئٹ میں کہا گیا ہے کہ  اداکارہ کا یہ عمل  غلط اور نا قابل قبول ہے، اس خبر کے بعد سے لوگ فلم انڈسٹری میں ہونے والی اموات کی خبروں پر یقین کرنے سے کترائیں گے،  انڈسٹری میں کوئی بھی عوام کی توجہ حاصل کرنے کیلئے اس حد تک نہیں آتا۔

ٹوئٹ میں پونم پانڈے کیخلاف ایف آئی آر درج کرنے کا مطالبہ کیا گیا ساتھ  ہی کہا گیا ہے کہ ان کی منیجر نے بھی جھوٹی خبر کی تصدیق کی لہذا منیجر کیخلاف بھی ایف آئی آر درج کی جائے۔

واضح رہے اداکارہ پونم پانڈے کی ٹیم کی جانب سے 2 فروری کو اداکارہ کے موت کی خبر ان کے آفیشل انسٹاگرام اکاؤنٹ پر شیئر کی گئی تھی، جس کے بعد  خود پونم پانڈے نے اپنی ویڈیو شیئر کرتے ہوئے بتایا کہ وہ زندہ ہیں اور انہوں نے سروائیکل کینسر کی مہم کیلئے موت کی جھوٹی خبر پھیلائی تھی۔

’میں زندہ ہوں‘، اداکارہ پونم پانڈے نے اپنی موت کی تردید کردی

بھارتی اداکارہ کے ٹیم کی جانب سے گزشتہ روز ان کی موت کی خبر سوشل میڈیا پوسٹ کے ذریعے بتائی گئی تھی۔

بھارتی اداکارہ پونم پانڈے انتقال کرگئیں

32 سالہ بھارتی اداکارہ کی موت کینسر کے باعث ہوئی جس کی تصدیق انکی ٹیم کی جانب سے کی گئی