آزاد امیدواروں کے جیتنے پر حیرت نہیں، آگے آگے دیکھیں کیا ہوتا ہے: عون چوہدری

لاہور: استحکام پاکستان پارٹی کے رہنما عون چوہدری نے کہا ہےکہ آزاد امیدواروں کے جیتنے پر حیرت نہیں، آگے آگے دیکھیں کیا ہوتا ہے ۔

جیونیوز الیکشن ٹرانسمیشن میں گفتگو کرتے ہوئے استحکام پاکستان پارٹی کے رہنما عون چوہدری نے کہا کہ ہمارا مقصد ملک میں سیاسی استحکام کو بڑھانا ہے، ہماری مسلم لیگ (ن) سے انڈر اسٹینڈنگ ہے، پارٹی کا مقصد ملک میں سیاسی استحکام کی فراہمی ہے۔

این اے 128 لاہور سے عون چوہدری نے پی ٹی آئی کے آزاد میدوار سلمان اکرم راجہ کو ہرا دیا

استحکام پاکستان پارٹی کے عون چوہدری نے ایک لاکھ 72 ہزار 576 ووٹوں سے کامیابی حاصل کی

انہوں نے کہا کہ آزاد امیدواروں کے جیتنے پر حیرت نہیں، آگے آگے دیکھیں کیا ہوتا ہے ۔

عون چوہدری نے آزاد امیدواروں کو نصیحت کرتے ہوئے کہا کہ پاکستان کے استحکام کا سوچیں، ملک کی بہتری کیلئے کچھ بھی کرنا پڑے کرنا چاہیے، پارٹی سربراہ ملک کی بہتری کے لئے فیصلہ کریں گے۔