کراچی میں 8 سالہ بچے کا قاتل کزن ہی نکلا

کراچی کے علاقے فیڈرل بی ایریا میں 8 سال کے ابان کا قاتل گرفتار کرلیا گیا۔

سینیئر سپرنٹنڈنٹ آف پولیس (ایس ایس پی) وسطی ذیشان صدیقی کے مطابق گرفتار ملزم سفیان کی عمر 14 سے 15 سال کے درمیان ہے، ملزم مقتول ابان کا کزن ہے اور ان کے ساتھ ہی رہتا ہے۔

انہوں نے بتایاکہ ملزم کا کہنا ہے کہ ابان اپنے والد کو شکایتیں کرتا تھا جس کے باعث ڈانٹ پڑتی تھی۔

ملزم نے بیان میں کہا کہ مجھ سے غلطی ہوگئی، پچھلی گلی سے ابان کو پارک میں لےگیا، دھوبی گھاٹ میں جھاڑیوں کے اندر ابان کا قتل کردیا۔

کراچی میں 8 سالہ بچےکوگلا کاٹ کر قتل کردیا گیا

نامعلوم افراد گلا کاٹ کر زخمی حالت میں فیڈرل بی ایریا میں واقع کارڈیو اسپتال کے عقبی حصے میں پھینک کر فرار ہوگئے

ملزم کے مطابق مجھے ابان پر غصہ تھا وہ شکایتیں بہت زیادہ لگاتا تھا، ماموں شکایت کے بعد مجھے ڈانٹےتھے،  واقعے کے بعد میں چھری دھوکر کچن میں رکھ دی۔

ایس ایس پی نے بتایاکہ گرفتارملزم سے مزید تحقیقات جاری ہے۔