18 فروری ، 2024 
پاکستان
پاکستان بار کونسل کے عہدیداروں نے کمشنر راولپنڈی کے الزامات کی فوری تحقیقات کرنے کا مطالبہ کیا ہے/ فائل فوٹو
الیکشن میں دھاندلی کے الزامات سے الیکشن کی شفافیت اور ساکھ متاثر ہوئی: پاکستان بار کونسل
18 فروری ، 2024
پاکستان بارکونسل نے الیکشن میں دھاندلی کے الزامات پر تشویش کا اظہار کرتے ہوئے فوری تحقیقات کا مطالبہ کیا ہے۔
پاکستان بارکونسل نے ایک بیان میں کہا ہےکہ انتخابی عمل میں دھاندلی کے الزامات سے الیکشن کی شفافیت اور ساکھ متاثر ہوئی ہے، سیاسی جماعتیں الزامات کی تحقیقات کے لیے ایک آزاد کمیشن پر متفق ہوں۔
پاکستان بارکونسل نے مزید کہا کہ پاکستان کے استحکام اور جمہوری عمل پر عوام کے اعتماد کے لیے سیاسی جماعتیں کردار ادا کریں۔
اس کے علاوہ پاکستان بار کونسل کے عہدیداروں کی جانب سے جاری ایک مشترکہ بیان میں کمشنر راولپنڈی کے الزامات کی فوری تحقیقات کرنے کا بھی مطالبہ کیا گیا ہے۔
