18 فروری ، 2024 
روس نے یوکرین کے ایک اور اہم شہر پر قبضہ کر لیا
18 فروری ، 2024
روس نے پیش قدمی جاری رکھتے ہوئے یوکرین کے ایک اور اہم شہر ایودیوکا پر قبضہ کر لیا۔
میڈیا رپورٹس کے مطابق روسی فوج سے لڑائی میں 1500 یوکرینی اہلکار مارے گئے ہیں، ڈونیسک کے شمالی شہر پر قبضہ کرنل جنرل موردویو چوف کی قیادت میں ہوا۔
روسی وزارت دفاع کا کہنا ہے کہ ایودیوکا شہر آزاد کرانے سے مزید آگے بڑھنے میں مدد ملے گی اور ڈونیسک کے دارالحکومت پریوکرینی حملے روکنا بھی ممکن ہوگیا ہے۔
میڈیا رپورٹس کے مطابق روس کے اس زیرقبضہ یوکرینی شہر میں جنگ کے آغاز سے لڑائی جاری تھی، ڈونیسک ریجن کا شہر ایودیوکا تقریباً 32 اسکوائرکلومیٹر پرمحیط ہے۔
فوجی سامان کی کمی کو بنیاد بنا کر یوکرینی فوج کے کمانڈرانچیف نے ایودیوکا سے ایک روز پہلے پسپائی کااعلان کر دیا تھا۔
روس کے صدر ولادیمیر پیوٹن نے ڈونیسک کے شہر ایودیوکا پر قبضہ کرنے پر فوج کو شاباش دیتے ہوئے اسے اہم پیشقدمی قرار دیا ہے۔
مزید خبریں :
چین میں سونے کا سب سے بڑا ذخیرہ دریافت
11 گھنٹے پہلے
مالی حالات سے تنگ والدین نے اپنی 4 سالہ بیٹی کو بیچ دیا
29 نومبر ، 2024
پالتو بلی نے پنجے مار کر اپنے مالک کو ہلاک کر دیا
29 نومبر ، 2024
