اسلام آباد…وزیراعظم راجہ پرویز اشرف نے کہا کہ اسلام میں قاضی خود مختار اورغیر جانبدار ہوتا ہے،مسلمان کیلئے رسول ﷺکی محبت ایمان کا جز ہے۔قومی سیرت النبیﷺکانفرنس سے خطاب کرتے ہوئے وزیراعظم راجہ پرویز اشرف نے پوری امت مسلمہ کوعیدمیلاد النبی ﷺکی مبارکباد پیش کرتے ہوئے کہا کہ پاکستان کوسب سے زیادہ نقصان دہشت گردی نے پہنچایا، ہم اسلام کا چہرہ بگاڑ رہے ہیں، اس کو دنیا میں بدنام کررہے ہیں،ہم اپنے افعال سے پیغمبراسلام کے پیغام کی نفی کررہے ہیں،آج دہشت گردی کے باعث آج ایک مسلمان دوسرے مسلمان سے پناہ مانگتا ہے،یہ کون لوگ ہیں جو مسجدوں میں اور اسکولوں میں دہشت گردی کررہے ہیں،۔وزیراعظم کا کہنا تھاکہ ہمارے افعال اسلام کی اجتماعیت کو نقصان پہنچارہے ہیں، ہمارا نبی ایک ہے ، قرآن ایک ہے تو ہم کیوں فرقوں میں بٹے ہوئے ہیں،دہشت گردی کے خاتمے کیلیے ہمیں ایک سوچ پراکٹھا ہونا پڑے گا،پاکستان ہرقسم کی دہشت گردی کی مذمت کرتا ہے، جوبیگناہ لوگوں کاقتل کرتاہے وہ دہشتگرد ہے،ڈرون حملے کسی مسئلے کا حل نہیں، بلکہ شدید نقصان دہ ہیں،ہمیں برداشت اور دلائل کے ساتھ مسائل کا حل نکالنا ہے،آج دہشت گردی نے ملک کوجتنا نقصان پہنچایااتنادنیا کی کسی طاقت نے نہیں پہنچایا،ہم اس نبی کے پیروکارہیں جس نے دنیاکوامن کا پیغام دیا ، ہمیں دہشت گردی کے خلاف عقل، فہم وفراست سے حل نکالنا ہے، آج ہمارے بچے غیرمحفوظ ہیں۔پاکستانی قوم پْرامن قوم ہے، ہمیں تقسیم نہیں ہونا،اگرہم حضور ﷺکے غلام ہیں توہم آپس میں تقسیم نہیں ہوں گے ،اسلام کسی سوچ یانظریئے کو بالجبرمسلط کرنے کی اجازت نہیں دیتا۔