فیصل آباد: 11 سالہ بچی کے جسم پر زخم کے 18 نشانات پائے گئے، پوسٹمارٹم میں تصدیق

فیصل آباد میں 11سالہ گھریلو ملازمہ عائشہ کی پوسٹ مارٹم رپورٹ میں تشدد کی تصدیق ہوگئی۔

پوسٹ مارٹم رپورٹ کے مطابق بچی کے جسم پر زخم کے 18 نشانات پائے گئے اور بچی کی موت نیورو جینک شاک کی وجہ سے ہوئی۔

رپورٹ میں کہا گیا ہے کہ بچی کو 2 سے 3 روز پہلے بھی تشدد کا نشانہ بنایا گیا تھا۔

خیال رہے کہ گھریلو ملازمہ عائشہ کی تین روز قبل ہلاکت ہوئی تھی اور  پولیس نے دو خواتین سمیت تین مالکان کیخلاف مقدمہ درج کر رکھا ہے۔

فیصل آباد: 12 سالہ کمسن گھریلو ملازمہ تشدد سے جاں بحق

گزشتہ رات خاتون بچی کی لاش لے کر سول اسپتال پہنچی تھی، بچی کے جسم پر جگہ جگہ نشانات موجود تھے: پولیس

یہ واقعہ فیصل آباد کے علاقے نعمت کالونی میں پیش آیا تھا۔