مخصوص نشستوں سے متعلق الیکشن کمیشن کو کوئی خط نہیں لکھا: حامد رضا

سنی اتحاد کونسل کے چیئرمین حامد رضا نے الیکشن کمیشن کی سماعت میں زیربحث مخصوص نشستوں سے متعلق کسی بھی خط لکھنے کی تردید کردی۔

 حامد رضا کا کہنا تھا کہ  وہ خط مخصوص نشستوں کے لیے نہیں بلکہ جنرل نشستوں پر 5 فیصد خواتین امیدواروں کے لیے تھا۔

ایس آئی سی کے کسی امیدوار نے الیکشن نہیں لڑا، خواتین کی فہرست وجود نہیں رکھتی: حامد رضا کا خط

الیکشن کمیشن نے 23 فروری کو خواتین کو جنرل نشست پر 5 فیصد کوٹہ دینے سے متعلق سنی اتحاد کونسل کو خط لکھا تھا جس کے جواب میں حامد رضا نے خط لکھا

چیئرمین سنی اتحادکونسل کا کہنا تھا کہ  یہ بات حقائق کے برعکس ہےکہ سنی اتحاد کونسل کو مخصوص نشستیں نہیں چاہئیں، خط الیکشن کمیشن میں غلط انداز میں پیش کیا گیا۔

خیال رہےکہ سنی اتحاد کونسل کا الیکشن کمیشن کو دیا گیا خط منظرعام پر آگیا ہے۔

خط میں چیئرمین سنی اتحاد کونسل کا کہنا تھا کہ  عام انتخابات میں سنی اتحاد کونسل کے نشان پر کسی امیدوار نے الیکشن نہیں لڑا، خواتین امیدوار کی کوئی فہرست وجود نہیں رکھتی لہٰذاجمع نہیں کرائی جارہی۔