02 مارچ ، 2024 
یوٹیلیٹی اسٹورز پر چینی مزید مہنگی ہونےکا خدشہ
02 مارچ ، 2024
یوٹیلیٹی اسٹورز پر چینی مزید مہنگی ہونےکا خدشہ ہے، یوٹیلٹی اسٹورز کارپوریشن نے رمضان سے قبل 20 ہزار میٹرک ٹن چینی خریدی ہے جوکہ آخری ٹینڈر کے مقابلے میں 17 روپے 10 پیسے مہنگی خریدی گئی ہے۔
ذرائع کےمطابق یوٹیلیٹی اسٹورز کارپوریشن نے 70 ہزار میٹرک ٹن چینی کے ٹینڈر کے تحت 20 ہزار میٹرک ٹن چینی کی خریداری کرلی ہے۔
ذرائع کا کہنا ہےکہ یوٹیلیٹی اسٹورز کارپوریشن نے رمضان میں چینی کی دستیابی یقینی بنانےکے لیے چینی کی خریداری کے لیے ٹینڈر جاری کیا تھا۔
ذرائع کے مطابق نئی خریدی گئی چینی کو ملا کر یوٹیلیٹی اسٹورز کارپوریشن کے پاس چینی کا اسٹاک بڑھ کر 40 ہزار میٹرک ٹن کے قریب پہنچ گیا ہے۔
یوٹیلیٹی اسٹورز نے اس سے قبل نومبر 2023 میں 40 ہزار میٹرک ٹن چینی خریدی تھی جو کہ 124 روپے 90 پیسےفی کلو کے حساب سے خریدی تھی اور اخراجات ملا کرکارپوریشن کو فی کلوچینی تقریباً 138 روپے میں پڑی تھی۔
تاہم اس مرتبہ چینی 142 روپے کلو کے حساب سے خریدی گئی ہے جو اخراجات ملا کر تقریباً 155 روپے کلو پڑے گی۔
خیال رہے کہ یوٹیلیٹی اسٹورز پر پہلے ہی چینی عام مارکیٹ سے مہنگی مل رہی ہے، عام مارکیٹ میں ایک کلو چینی 145 سے 150 روپے کلو میں دستیاب ہے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
