وزیراعلیٰ کے پی علی امین وزیراعظم کی تقریب حلف برداری میں شریک نہ ہوئے

خیبر پختونخوا کے وزیراعلیٰ علی امین گنڈاپور وزیراعظم شہباز شریف کی تقریب حلف برداری میں شریک نہیں ہوئے۔

وزیراعظم شہباز شریف نے آج اپنے عہدے کا حلف اٹھا لیا۔ صدر عارف علوی نے ان سے حلف لیا جبکہ تقریب میں سیاسی قیادت کے ساتھ ساتھ مسلح افواج کے سربراہان بھی شریک تھے۔

تاہم خیبر پختونخوا کے وزیراعلیٰ علی امین گنڈاپور وزیراعظم شہباز شریف کی تقریب حلف برداری میں شریک نہیں ہوئے۔

شہباز شریف نے ملک کے 24 ویں وزیراعظم کی حیثیت سے حلف اٹھالیا،گارڈ آف آنر پیش

ایوان صدر میں صدر مملکت عارف علوی نے شہباز شریف سے حلف لیا، تقریب میں چیئرمین جوائنٹس چیفس اور آرمی چیف بھی شریک تھے

میڈیا سے گفتگو میں اس حوالے سے علی امین گنڈا پور کا کہنا تھاکہ شہباز شریف فارم 45 والے وزیراعظم نہیں، یہ واضح نہیں ہے کہ یہ عوامی مینڈیٹ سےآئے یا آر او نے بنایا، اس لیے ان کے خیال میں حلف برداری کے لیے جانا درست نہيں۔