06 مارچ ، 2024 
جنگی جرائم کا الزام: عالمی فوجداری عدالت سے دو روسی کمانڈروں کے وارنٹ گرفتاری جاری
06 مارچ ، 2024
عالمی فوجداری عدالت نے یوکرین میں مبینہ جنگی جرائم کے الزام میں روسی فوج کے دو کمانڈروں کے وارنٹ گرفتاری جاری کردیے۔
غیر ملکی میڈیا کے مطابق بین الاقوامی فوجداری عدالت نے مبینہ جنگی جرائم کے الزام میں دو اعلیٰ سطح کے روسی کمانڈروں سرگئی کوبیلاش اور وکٹر سوکولوف کے وارنٹ گرفتاری جاری کیے ہیں۔
عدالت نے کہا ہے کہ یہ دونوں کمانڈر 10 اکتوبر 2022 سے 9 مارچ 2023 تک یوکرین کے بجلی کے انفراسٹرکچر پر میزائل حملوں کے ذمہ دار تھے۔
عدالت نے مزید کہا کہ اس مدت کے دوران روسی افواج نے یوکرین کے مختلف مقامات پر متعدد بجلی گھروں اور سب اسٹیشنوں پر حملے کیے تھے۔
عدالت کے مطابق یوکرین کے الیکٹریکل گرڈ پرسرگئی کوبیلاش اور وکٹر سوکولوف کی قیادت میں حملوں نے شہریوں کو جو نقصان پہنچایا وہ کسی بھی متوقع فوجی فائدے کے مقابلے میں بہت زیادہ تھا۔
گزشتہ سال مارچ میں عالمی فوجداری عدالت نے یوکرینی بچوں کے اغوا سے متعلق جنگی جرائم کے الزام میں روسی صدر پیوٹن اور چلڈرن کمشنر ماریہ لیووا بیلووا کے وارنٹ گرفتاری جاری کیے تھے تاہم کریملن نے ان الزامات کو مسترد کر دیا تھا۔
مزید خبریں :
چین میں سونے کا سب سے بڑا ذخیرہ دریافت
9 گھنٹے پہلے
مالی حالات سے تنگ والدین نے اپنی 4 سالہ بیٹی کو بیچ دیا
10 گھنٹے پہلے
پالتو بلی نے پنجے مار کر اپنے مالک کو ہلاک کر دیا
29 نومبر ، 2024
