10 مارچ ، 2024 
پشاور دھماکے میں ہلاک اور زخمی دہشتگردوں کی شناخت ہو گئی
10 مارچ ، 2024
پشاور ناصر باغ روڈ پر ہونے والے دھماکے میں خودکش حملہ آور سمیت تینوں دہشت گردوں کی شناخت ہوگئی۔
سی ٹی ڈی ابتدائی رپورٹ کے مطابق موٹر سائیکل دھماکے میں ہلاک دہشتگرد 5 کلو گرام بارودی مواد لیکر اپنے ہدف کی جانب بڑھ رہے تھے کہ ناصر باغ روڈ پر دھماکا خیز مواد پھٹ گیا۔
دھماکے میں ہلاک خودکش حملہ آور محمد سلمان کا تعلق ضلع دیر سے تھا اور وہ پشاور کے علاقے تہکال میں عارضی رہائش پزیر تھا۔
خودکش حملہ اور کے ساتھی عامر اور زخمی ہونے والے شدت پسند عثمان کا تعلق پشاور کے علاقہ تہکال سے ہے۔
سی ٹی ڈی کے مطابق زخمی شدت پسند کے ہوش میں آتے ہی اس سے تفتیش شروع کی جائے گی۔
سی ٹی ڈی کی ابتدائی رپورٹ میں کہا گیا ہے کہ موٹر سائیکل کے چیسیز نمبر، دہشت گردوں کے شناختی کارڈ و مدرسہ کارڈ بھی برامد کرلی ہے، تینوں شدت پسند ایک موٹر سائیکل پر سوار تھے۔
یاد رہے کہ ناضر باغ روڈ پر ہونے والے دھماکے میں 2 دہشت گرد ہلاک اور ایک زخمی ہوا تھا۔
