13 مارچ ، 2024 
وٹامن ڈی اور کیلشیئم کے استعمال سے کینسر سے متاثر ہونے کا خطرہ کم ہوتا ہے، تحقیق
13 مارچ ، 2024
وٹامن ڈی اور کیلشیئم کی مناسب مقدار کا استعمال کینسر کی مختلف اقسام سے متاثر ہونے کا خطرہ کم کرتا ہے۔
یہ بات امریکا میں ہونے والی ایک طبی تحقیق میں سامنے آئی۔
ایریزونا یونیورسٹی کی اس تحقیق میں بتایا گیا کہ وٹامن ڈی اور کیلشیئم ایسے غذائی جز ہیں جو کینسر جیسے جان لیوا مرض سے تحفظ کے لیے اہم ثابت ہو سکتے ہیں۔
اس تحقیق میں درمیانی عمر کی 36 ہزار سے زائد خواتین کو شامل کیا گیا تھا جن کو 2 گروپس میں تقسیم کیا گیا۔
ایک گروپ کو وٹامن ڈی اور کیلشیئم سپلیمنٹس جبکہ دوسرے گروپ کو placebo استعمال کرنے کی ہدایت کی گئی۔
اس کے بعد ان خواتین کی صحت کا جائزہ 7 سال تک لیا گیا۔
نتائج سے معلوم ہوا کہ وٹامن ڈی اور کیلشیئم کے استعمال سے کینسر سے متاثر ہونے کا خطرہ 30 فیصد تک کم ہو جاتا ہے۔
تحقیق میں بتایا گیا کہ وٹامن ڈی اور کیلشیئم کے سپلیمنٹس کے استعمال سے بریسٹ اور colon کینسر سے متاثر ہونے کا خطرہ کم ہوتا ہے۔
محققین کے مطابق صحت کے لیے مفید غذاؤں جیسے سبزیوں، سالم اناج اور گریوں کا استعمال اچھی صحت کے لیے ضروری ہے جس سے کیلشیئم اور وٹامن ڈی بھی جسم کو مل جاتے ہیں۔
انہوں نے مزید کہا کہ سپلیمنٹس کا استعمال اس وقت کرنا چاہیے جب غذا کے ذریعے آپ انہیں جسم کا حصہ بنانے سے قاصر ہوں۔
اس تحقیق کے نتائج جرنل Annals of Internal Medicine میں شائع ہوئے۔
مزید خبریں :
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
بلوچستان میں انسداد پولیو مہم ایک بار پھر مؤخر کردی گئی
17 دسمبر ، 2024
ہائی بلڈ پریشر کا خطرہ ظاہر کرنے والی علامات اور نشانیاں
15 دسمبر ، 2024
