امریکی کانگریس نے محکمہ خارجہ کے اسسٹنٹ سیکرٹری ڈونلڈ لو کو طلب کرلیا

امریکی محکمہ خارجہ کے ترجمان میتھیو ملر نے کہا ہے کہ کانگریس نے محکمہ خارجہ کے  اسسٹنٹ سیکرٹری ڈونلڈ لو کو طلب کیا ہے۔

ترجمان امریکی محکمہ خارجہ کا کہنا تھا کہ محکمے کے افسران، کانگریس کے سامنے گواہی دیتے رہتے ہیں۔

ڈونلڈ لوُ کا انٹرویو کے دوران عمران خان سے متعلق سوال لینے سے انکار

امریکا کے اسسٹنٹ سیکرٹری آف اسٹیٹ ڈونلڈ لُو کا کہنا ہے کہ کشمیر سے متعلق امریکی پالیسی میں کوئی تبدیلی نہیں آئی

میتھیو ملر نے کہا کہ ہم امریکی حکام کے خلاف کسی بھی دھمکی کو سنجیدگی سے لیتے ہیں۔

خیال رہے کہ امریکی محکمہ خارجہ کے اسسٹنٹ سیکرٹری ڈونلڈ لو پر پاکستان تحریک انصاف کی جانب سے سائفر معاملے اور اپنی حکومت کو غیر مستحکم کرنے کا الزام عائد کیا جاتا ہے۔

سائفر معاملے کی وجہ سے کانگریس کے سامنے ڈونلڈ لو کی اس گواہی کو بہت اہمیت دی جارہی ہے۔

توقع کی جا رہی ہے کہ اس اہم گواہی کے موقع پر کانگریس میں ریپبلکن اور ڈیموکریٹ ارکان بڑی تعداد میں دلچسپی لیتے ہوئے شرکت کریں گے۔