پشاور زلمی کو شکست دیکر اسلام آباد یونائیٹڈ پی ایس ایل کے فائنل میں پہنچ گئی

ایچ بی ایل پاکستان سپرلیگ (پی ایس ایل) 9 کے دوسرے ایلیمنیٹر میچ میں اسلام آباد یونائیٹڈ نے پشاور زلمی کو 5 وکٹوں سے شکست دیکر فائنل میں جگہ بنالی۔

پشاور زلمی کی جانب سے دیا گیا 186 رنز کا ہدف اسلام آباد یونائیٹڈ نے 19 ویں اوور میں 5 وکٹوں کے نقصان پر حاصل کیا۔

پشاور زلمی کی اننگز

کراچی کے نیشنل اسٹیڈیم میں کھیلے گئے میچ میں اسلام آباد یونائٹیڈ نے ٹاس جیت کر  پشاور زلمی کو پہلے بیٹنگ کی دعوت دی۔

  پشاور زلمی نے پہلے کھیلتے ہوئے مقررہ 20 اوورز میں 5 وکٹ کے نقصان پر 185 رنز بنائے۔

زلمی کی جانب سے صائم ایوب نے 73 اور محمد حارث نے 40 رنز کی اننگز کھیلیں۔

ان کے علاوہ بابراعظم 25 ، ٹام کھولر کیڈمور 18 اور رومین پاول 2 رنز بنا کر آؤٹ ہوئے۔

اسلام آباد یونائٹیڈ  کی جانب سے نسیم شاہ نے 3 کھلاڑیوں کو آؤٹ کیا۔

اسلام آباد کی اننگز

186 رنز کے ہدف کے تعاقب میں اسلام آباد کا آغاز مایوس کن رہا اور ابتدائی تین وکٹیں 21 رنز پر گرچکی تھیں اور الیکس ہیلز ایک، آغا سلمان 5 اور شاداب خان بغیر کوئی رن بنائے پویلین لوٹے۔

مارٹن گپٹل 34 اور اعظم خان نے 22 رنز بناکر آؤٹ ہوئے۔

اس کے بعد عماد وسیم  اور حیدر علی نے ناقابل شکست جارحانہ اننگز کھیلیں اور ٹیم کی جیت میں اہم کردار ادا کیا۔

اسلام آباد یونائیٹڈ نے 19 ویں اوور میں 5 وکٹوں کے نقصان پر 186 رنز کا ہدف حاصل کرلیا اور زلمی کو شکست دیکر رواں سیزن کے فائنل میں جگہ بنائی۔

عماد وسیم نے 59  اور حیدر علی نے 29 گیندوں پر52 رنز کی ناقابل شکست جارحانہ اننگز کھیلی۔

اسلام آباد یونائیٹڈ اور ملتان سلطانز کے درمیان فائنل کل بروز پیر کو ہوگا۔

پی ایس ایل: اسلام آباد نے کوئٹہ گلیڈی ایٹرز کو شکست دیکر ٹورنامنٹ سے باہر کر دیا

اسلام آباد یونائیٹڈ کا مقابلہ اب کوالیفائر ہارنے والی پشاور زلمی سے ہوگا اور وہ میچ جو جیتے گا اس کا سامنا فائنل میں ملتان سلطانز سے ہوگا

ضابطہ اخلاق کی خلاف ورزی، سعود شکیل اور ابرار احمد پر جرمانہ عائد

دونوں کھلاڑیوں نے الزامات کا اعتراف کرتے ہوئے میچ ریفری محمد جاوید کی طرف سے تجویز کردہ پابندیوں کو قبول کیا