سینیٹ کی ٹکٹ کیوں نہ ملی؟ لیگی رہنما آصف کرمانی نے خود بتا دیا

مسلم لیگ ن کے رہنما ڈاکٹر آصف کرمانی نے پارٹی کی جانب سے سینیٹ کی ٹکٹ نہ ملنے پر  بیان جاری کیا ہے۔

ڈاکٹر آصف کرمانی نے اپنے بیان میں کہا کہ مسلم لیگ ن میں ہوں اور نواز شریف کو آج بھی اپنا قائد سمجھتا ہوں۔

انہوں نے کہا کہ سینیٹ ٹکٹ کیلئے پارٹی کو کوئی درخواست نہیں دی تھی، سینیٹ کی ٹکٹ میں نہ دلچسپی تھی اور نہ ہی دستیاب ہوں، سینیٹ ٹکٹ کیلئے کسی سے رابطہ تک نہیں کیا تھا۔

پی پی نے رضا ربانی کو سینیٹ کا ٹکٹ نہ دیا، دیگر جماعتوں کے سینیئر رہنما بھی ٹکٹ سے محروم

مسلم لیگ ن نے سینیئر رہنما مشاہد حسین سید اور آصف کرمانی کو ٹکٹ سے محروم کر دیا جبکہ حافظ عبدالکریم بھی ٹکٹ حاصل نہ کرسکے

ڈاکٹر آصف کرمانی نے اپنے بیان میں یہ بھی کہا کہ مسلم لیگ نہیں چھوڑی، حادثاتی نہیں پیدائشی مسلم لیگی ہوں، مجھے کسی سے مسلم لیگی ہونے کا سرٹیفکیٹ لینے کی ضرورت نہیں ہے، سیاسی نومولود گمراہ کن خبریں پھیلانے سے باز  رہیں۔

مسلم لیگ ن کے علاوہ پاکستان پیپلز  پارٹی اور  پاکستان تحریک انصاف نے بھی سینیئر رہنماؤں کو سینیٹ الیکشن کیلئے ٹکٹ نہیں دیے۔

خیال رہے کہ سینیٹ انتخابات 2 اپریل کو ہوں گے جس میں قومی اسمبلی اور تمام صوبائی اسمبلیوں کے ارکان حق رائے دہی کا استعمال کریں گے۔