22 مارچ ، 2024 
رام اللہ میں تنہا فلسطینی نے اسرائیلی فوج کو ناکوں چنے چبوادیے، ہیلی کاپٹر منگوانے پڑگئے
22 مارچ ، 2024
مقبوضہ فلسطین کے علاقے مغربی کنارے کے شہر رام اللہ میں فلسطینی نوجوان کے حملے میں 7 اسرائیلی فوجی زخمی ہوگئے۔
عرب میڈیا کے مطابق فلسطینی شہری نے رام اللہ میں اسرائیلیوں کو لے جانے والی بس پر حملہ کیا جس کے بعد اسرائیلی فوج نے علاقے کو گھیرے میں لے لیا۔
تنہا فلسطینی مجاہد تقریباً 5 گھنٹے تک اسرائیلی فوج سے لڑتا رہا۔
رپورٹس کے مطابق اسرائیلی فورسز نے زمینی آپریشن میں ناکامی کے بعد تنہا مجاہد کیلئے ہیلی کاپٹروں اور ڈرون کی مدد حاصل کی اور شہید کردیا۔
عرب میڈیا کے مطابق شہید فلسطینی صدارتی محل کا سابق سکیورٹی اہلکار ہے جس کی شناخت مجاہد برکات منصور کے نام سے ہوئی ہے۔
میڈیا رپورٹس میں اسرائیلی فوجی ذرائع کے حوالے سے کہا گیا ہے کہ شہید فلسطینی کے حملے میں 7 اسرائیلی فوجی زخمی ہوگئے جن میں سے 2 کی حالت تشویشناک ہے۔
خیال رہے کہ اسرائیل کی غزہ پر حملے کے ساتھ ساتھ مقبوضہ مغربی کنارے کے علاقوں میں بھی فلسطینیوں کے خلاف کارروائیاں جاری ہیں۔ 7 اکتوبر سے اب تک اسرائیلی افواج نے مقبوضہ مغربی کنارے سے 7 ہزار سے زائد فلسطینیوں کو گرفتار کیا ہے۔
مزید خبریں :
روس کا یوکرین پر اب تک کا سب سے بڑا ڈرون حملہ
26 نومبر ، 2024
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
