بھارتی اداکارہ سوارا بھاسکر نے ہولی پر مسلمان خاندان سے بدتمیزی پر آواز اٹھا دی

بھارتی اداکارہ سوارا بھاسکر نے ہولی کے موقع پر مسلمان خاندان سے بدتمیزی پر آواز اٹھادی۔

سوارا بھاسکر نے بجنور کے مسلمان خاندان سے یکجہتی کا اظہار  کرتے ہوئے کہا کہ ایسا لگتا ہے کہ ہندو تہوار صرف ان جتھوں کے لیے ہیں جن کے لیے کوئی ضابطہ یا قانون نہیں۔

واضح رہے کہ ہولی کے تہوار پر ہندو انتہاپسندوں کی مسلمان خاندان سے بدتمیزی کی ویڈیو سامنے آئی تھی۔

بھارت: ہولی پر مسلمان خاندان کو روک کر زبردستی رنگ پھینک دیا گیا

نوجوانوں نے موٹر سائیکل سوار مسلمان فیملی پر زبردستی رنگ اور پانی پھینک کر ہراساں کیا

ویڈیو میں دیکھا گیا تھا کہ انتہا پسندوں نے اترپردیش کے شہر بجنور میں مسلمان خاندان کو گھیر کر پانی کی بالٹی انڈیلی تھی اور پھر رنگ زبردستی چہروں پر لگایا تھا۔

رپورٹس کے مطابق ہراسانی کا واقعہ 20 مارچ کو پیش آیا جبکہ سوشل میڈیا پر ویڈیو وائرل ہونےکے بعد اترپردیش پولیس نے واقعےکا نوٹس لیا ہے اور پولیس کے مطابق وہ ملوث افراد کی تلاش کر رہی ہے۔