26 مارچ ، 2024 
گوگل کروم کا وہ فیچر جو ویب براؤزر کو ہمیشہ کیلئے بدل دے گا
26 مارچ ، 2024
گوگل کروم میں ایسی تبدیلی کی جا رہی ہے جو اس ویب براؤزر کے استعمال کے تجربے کو بدل دے گی۔
رات کے وقت تیز سفید رنگ کی ویب سائٹ کو دیکھنے سے بینائی پر اثرات مرتب ہوتے ہیں اور اسی لیے گوگل کی جانب سے کروم میں ایک تجرباتی ڈارک موڈ سپورٹ فیچر کی آزمائش کی جا رہی ہے۔
جی ہاں واقعی اب گوگل کی جانب سے ہر ویب سائٹ کو ڈارک تھیم استعمال کرنے پر مجبور کر دیا جائے گا۔
ابھی اس مقصد کے لیے کسی براؤزر ایکسٹینشن کو استعمال کیا جاتا ہے مگر آٹو ڈارک موڈ فار ویب فیچر کے بعد ان ایکسٹینشنز کی ضرورت نہیں رہے گی۔
خیال رہے کہ ڈارک موڈ ایسا آپشن ہے جو کسی آپریٹنگ سسٹم یا ایپ کی کلر اسکیم کو بلیک یا گہری رنگت سے بدل دیتا ہے۔
بیٹری لائف میں ڈارک موڈ سے بہتری آئے یا نہ آئے مگر یہ آنکھوں کے لیے بہتر ہوتا ہے کیونکہ اسکرین کی روشنی سے بینائی پر پڑنے والا دباؤ کم ہوجاتا ہے۔
اس سے بھی زیادہ اچھی بات یہ ہے کہ آپ اس تجرباتی فیچر کی آزمائش خود بھی کر سکتے ہیں۔
اس فیچر کو ان ایبل کرنے کے لیے کروم اوپن کرکے ایڈریس بار پر chrome://flags لکھ کر انٹر بٹن دبائیں۔
اس پیج پر متعدد ایسے تجرباتی فیچرز موجود ہوتے ہیں جن کی آزمائش کروم براؤزر میں گوگل کی جانب سے کی جا رہی ہوتی ہے۔
اس پیج پر آٹو ڈارک موڈ فار ویب کانٹینٹ آپشن (Auto Dark Mode for Web Contents) کو تلاش کریں جو بائی ڈیفالٹ ڈس ایبل ہوگا۔
اس فیچر کو ان ایبل کر دیں۔
ایسا کرنے کے بعد آپ کو کروم کو ری لانچ کرنا ہوگا تاکہ فیچر کا اطلاق ہو سکے۔
جب آپ فیچر کو ان ایبل کردیں گے تو وائٹ انٹرفیس والی تمام ویب سائٹس کا رنگ خودکار طور پر ڈارک ہو جائے گا۔
مزید خبریں :
جی میل میں ایک دلچسپ فیچر صارفین کے لیے متعارف
02 دسمبر ، 2024
آن لائن ٹولز نے انٹرنیٹ سست نہ ہونے کے حکومتی دعوے کی نفی کردی
02 دسمبر ، 2024
گوگل کی نئی اے آئی گیم جو شطرنج کھیلنے والوں کو ضرور پسند آئے گی
01 دسمبر ، 2024
اسپوٹیفائی نے کِن صارفین کے موسیقی چلانے پر پابندی لگا دی؟
30 نومبر ، 2024
