شانگلہ: چینی باشندوں پر حملےکا مقدمہ سی ٹی ڈی تھانے میں درج

خیبر پختونخوا کے ضلع شانگلہ کے علاقے بشام میں چینی باشندوں پر حملے کا مقدمہ سی ٹی ڈی تھانے میں درج کرلیا گیا۔

ایف آئی آر تھانہ بشام کے ایس ایچ او کی جانب سے درج کرائی گئی ہے، ایف آئی آر  میں دہشت گردی کی دفعات شامل ہیں۔

ایف آئی آر کے متن کے مطابق اطلاع ملی کہ لاہور  نالہ بشام میں چینی کانوائے پر خودکش حملہ ہوا ہے، اطلاع کے پیش نظر پولیس نفری جائے وقوعہ پر پہنچی، فول پروف سکیورٹی میں کئی گاڑیوں پر مشتمل چینی کانوائے اسلام آباد سے داسو ڈیم کوہستان جارہا تھا۔

ایف آئی آر کے مطابق راستے میں ایک خودکش بمبار  نے بارودی مواد سے بھری گاڑی کانوائے میں شامل کوسٹر  سے ٹکرا دی، دھماکے سے کوسٹر میں آگ لگ گئی اور  وہ گہری کھائی میں جا گری، واقعے میں کوسٹر میں بیٹھے 5 چینی  ہلاک جب کہ ایک پاکستانی ڈرائیور  جاں بحق ہوا۔

چین کا پاکستان سے شانگلہ حملےکے ذمہ داروں کو سخت سزا دینےکا مطالبہ

رجمان چینی وزارت خارجہ لن جیان کا کہنا تھا کہ دہشت گرد حملے کی شدید مذمت کرتے ہیں

پاکستان کے مہمانوں پر بری نظر ڈالنے والے ہر دہشتگرد کے خاتمے تک لڑیں گے: آرمی چیف

قوم نے پاکستان کے مخالفین کے مذموم عزائم کو ناکام بنایا ہے۔ ہم آخری دہشتگرد کے خاتمے تک دہشتگردی کے خلاف لڑیں گے: آرمی چیف