28 مارچ ، 2024 
پی سی بی کے بابر سے رابطے، دوبارہ کپتان بنائے جانے کے قوی امکانات
28 مارچ ، 2024
پاکستان کرکٹ بورڈ (پی سی بی) نے سابق کپتان بابر اعظم سے رابطہ کیا ہے اور انہیں دوبارہ قومی ٹیم کا کپتان بنائے جانے کے قوی امکانات ہیں۔
ذرائع کے مطابق شاہین شاہ آفریدی کی ٹی ٹوئنٹی کی کپتانی کو خطرہ ہے، پی سی بی حکام نے بابراعظم سے رابطہ کیا ہے اور بابر کو دوبارہ قومی ٹیم کی قیادت سونپے جانے کا امکان ہے۔
بابر اعظم نے آج کاکول میں ٹریننگ کیمپ کو جوائن کرنا ہے تاہم ذرائع کا بتانا ہے کہ ایبٹ آباد کیمپ جوائن کرنے سے قبل بورڈ آفیشلز سابق کپتان سے ملاقات کریں گے اور کپتانی کے حوالے سے تبادلہ خیال کریں گے۔
دوسری جانب سابق کپتان شاہد آفریدی اپنے داماد کے حق میں بول پڑے۔
شاہد آفریدی نے کہا کہ اگر کسی کو ذمہ داری دی ہے تو اسے تھوڑا وقت بھی دیں، شاہین کو کپتان بنانے کا فیصلہ جو پہلے کیا تھا وہ غلط ہے یا اب جو ہوگا وہ غلط ہوگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
