بابر اعظم کی چیئرمین پی سی بی سے ملاقات،کپتانی سے متعلق بھی گفتگو

سلیکشن کمیٹی کی جانب سے کپتانی کے لیے نام تجویز کیے جانےکے بعد بابر اعظم نے چیئرمین پی سی بی محسن نقوی سے ملاقات کی ہے۔

ذرائع کے مطابق ملاقات میں ورلڈ کپ اور  اس سے قبل ہونے والی سیریز کی تیاری پرگفتگو کی گئی۔

ذرائع کا کہنا ہےکہ بابر اعظم سے پاکستان ٹیم کی کپتانی کے حوالے سے بھی بات ہوئی۔

ذرائع کے مطابق محسن نقوی نےکپتان سے متعلق تجاویز  اور  سفارشات کے لیے قومی سلیکشن کمیٹی کو ذمہ داری سونپی تھی، سلیکشن کمیٹی نے اپنی سفارشات چیئرمین پی سی بی کوبھجوا دی ہیں۔

ذرائع کے مطابق سلیکشن کمیٹی نے کپتانی کے لیے دیگر کھلاڑیوں کے ساتھ بابر اعظم کا نام محسن نقوی کو بھیجا ہے۔

گزشتہ سال نومبر میں پی سی بی کے سربراہ ذکا اشرف نے بابر اعظم کی جگہ شاہین شاہ آفریدی کو ٹی 20 اور شان مسعود کو ٹیسٹ کا کپتان مقرر کیا تھا۔

سلیکشن کمیٹی نے کپتان کیلئے بابراعظم کا نام بھیج دیا، حتمی فیصلہ چیئرمین پی سی بی کرینگے

سابق کپتان بابراعظم کو دوبارہ کپتانی سونپنے کے حوالے سے سنجیدگی سے غور کیا جارہا ہے: ذرائع

پی سی بی کے بابر سے رابطے، دوبارہ کپتان بنائے جانے کے قوی امکانات

ایبٹ آباد کیمپ جوائن کرنے سے قبل بورڈ آفیشلز سابق کپتان سے ملاقات کریں گے